00:34 31 Бугу 2020
Түз эфир
  • USD73.7678
  • EUR82.0114
  • RUB1.0426
Экономика
Кыскача шилтеме алуу
141 0 0

Кыргызстандын айыл чарба тармагындагы экспорт 129 пайызга өстү

БИШКЕК, 31-май — Sputnik. 2017-жылдын биринчи кварталында Кыргызстандын айыл чарба тармагындагы экспорту 129 пайызга өскөн. Бул тууралуу айыл чарба, тамак-аш өнөр жайы жана мелиорация министринин орун басары Эркин Чодуев маалымат жыйында билдирди.

Экспорттук көрсөткүч мал чарбачылыгында жана кайра иштетүү тармагында сыртка чыгарылган азыктардын көлөмү жогорулаганынан улам өскөн.

"Быйыл экспорттук өсүү былтыркыга караганда бир топ жакшы болору күтүлүүдө. Анткени 2017-жылы эки өлкө ортосунда түзүлгөн келишимдерге ылайык, Кыргызстан Кытайга алча менен коон экспорттой баштайт", — деди Чодуев.

Ал ошондой эле экпорттук потенциалдын жогорулашын өкмөттүн "Айыл чарба тармагын каржылоо-5" долбоорун ийгиликтүү ишке ашырып жатканы менен байланыштырды.

Долбоор алкагында жеңилдетилген насыя алган дыйкан-фермерлердин саны көбөйүп, алар өндүргөн азыктарын сыртка чыгара баштаган.

Чодуев андан сырткары быйыл төө буурчак менен пахтаны жылдагыдан көбүрөөк экспорттоого да өзгөчө көңүл буруларын кошумчалады.

Тема боюнча

Сибирь округу КРде өндүрүлгөн сүт азыктары менен мөмө-жемиштерди сатып алууга даяр
Белгилер:
азык-түлүк, экспорт, Кытай, Кыргызстан

ЭҢ МААНИЛҮҮ