Россия Кыргызстандын 240 миллион доллар карызын кечип салды

© Sputnik / Табылды КадырбековКыргызстандын президенти Алмазбек Атамбаев жана Россиянын лидери Владмир Путин жолугушуу учурунда. Архив
Кыргызстандын президенти Алмазбек Атамбаев жана Россиянын лидери Владмир Путин жолугушуу учурунда. Архив - Sputnik Кыргызстан
Жазылуу
Кыргызстан менен Россия 300 миллион доллар карызды 10 жыл ичинде (жыл сайын 30 миллион) жоюу боюнча макулдашкан. Эки жыл ичинде 60 миллион доллар карыз жоюлган. Эми Россия тарап калган бересе каражатты толугу менен кечти.

БИШКЕК, 3-май — Sputnik. Россия Кыргызстандын насыя боюнча 240 миллион доллар карызын бир эле кечкенин РИА Новости агенттиги билдирди.

Тийиштүү жарлыкка Россиянын өкмөт башчысы Дмитрий Медведев кол койгон.

"2017-жылдын 30-мартына карата Кыргызстандын Россияга болгон карызы 240 миллион долларды түзгөн. Ал карызды толугу менен кечүү аталган протокол күчүнө кирген күндөн тарта аткарылат", — деп айтылат маалыматта.

Ошондой эле документте карызды кечүү Россиянын Кыргызстанга берген расмий жардамынын алкагында ишке ашканы белгиленген.

Кыргызстандын мамлекеттик тышкы карызы - Sputnik Кыргызстан
КРдин карызы: кимге 625 доллар бересе экениңизди билип алыңыз
Бишкек менен Москва 2012-жылы жалпы суммасы 500 миллион доллар болгон карызды жөнгө салуу боюнча өкмөттөр аралык келишимге кол койгон. Ага ылайык, келишим күчүнө кирген күнү 188,9 миллион карыз кечилмек. Ал эми 2016-жылдан тарта 300 миллион доллар карыз он жыл аралыгында жоюлмак.

Буга чейин Каржы министрлигинин мамлекеттик карыздар башкармалыгынын жетекчиси Бакыт Сыдыков Кыргызстандын Россияга берчү 240 миллион мамлекеттик карызынан толугу менен кутулуу боюнча келишим даярдалып жатканын билдирген. 

Анын айтымында, буга чейин Кыргызстан менен Россия 300 миллион доллар карызды 10 жылдын ичинде (жылына 30 миллион доллардан) төлөп кутулуу боюнча сүйлөшүшкөн. Эки жылда 60 миллион доллар төлөнүп бүтүп, калган карыз 240 миллион долларды түзгөн.

Жаңылыктар түрмөгү
0