09:43 19 Чын Куран 2021
Түз эфир
  • USD84.8000
  • EUR101.5734
  • RUB1.1224
Маданият

"Үйүм жок болсо кайда барам". Чокморовду ээрчиген Темированын таберик сүрөтү

Кыскача шилтеме алуу
"Таберик сүрөт" — сейрек кездешкен ирмемдер (145)
0 0
Үйүм жок болсо кайда барам! Чокморовду ээрчиген Темированын таберик сүрөтү
© Sputnik / РИА Новости

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, анын тарыхын баяндоону улантат.

КРдин эл артисти, белгилүү актриса Айтурган Темирова менен СССРдин эл артисти, Кыргыз ССРинин эл сүрөтчүсү Сүймөнкул Чокморовдун сүрөтү 1972-жылы тартылган.

Ал жылы СССРдин жана КРдин эл артисти, белгилүү режиссёр Болот Шамшиев советтик жазуучу Александр Сытиндин "Тянь-Шандын аткезчилери" романынын негизинде "Ысык-Көлдүн кызгалдактары" тасмасын тарта баштаган. Кинокартинада актриса Каличанын, актёр Карабалтанын ролун аткарган.

Ошол учурду Айтурган Темирова мындайча эскерет:

"Сүрөттөгү кадр "үйүм жок болсо кайда барам" деп Карабалтаны ээрчиген эпизод. Аны аткаруу мен үчүн абдан оор болгон. Сүймөнкул Чокморов менен ошол кинофильмде таанышкам. Ал ага чейин "Караш-Караш окуясына" тартылып атактуу болуп калгандыктан мага жол көрсөтүп, акыл-насаатын айтчу. Мен мектепте окуп жүрүп сынактан капысынан эле өтүп кетип, кинодогу алгачкы ролум эле. Ал кезде кинематографияны анча деле түшүнчү эмесмин, киного тартылуу кыялым дагы жок болчу. Иш маалында кыйынчылыктар болбой койгон эмес. Союз маалында сценарийлер орус тилинде гана жазылып, режиссёр орусча сүйлөйт. Тил билбегендиктен киночулар которуп берип, мен аны кыргызча жаттап алып тартылгам. Азыр ошол кезеңди эстесем, түшүмдө болгондой эле сезилет. Көрүүчүлөргө сунушталган соң мектептин артисти, жылдызы болуп кеткем. "Ысык-Көлдүн кызгалдактары" фильми менин тагдырымды чечкен тасма деп айтсам болот. Анткени анын аркасы менен Болотко жолугуп, кийин жакшы мамиледе болуп үй-бүлө куруп, кино тармагына байланып калгам", — деди Темирова.

Ошондой эле ал кинофильмде Советбек Жумадылов, Борис Химичев, Алиман Жанкорозова, Амина Өмүрзакова, латыш актрисасы Гунта Виркова, казакстандык Елүбай Умурзаков, Арстанбек Ирсалиев, Чоро Думанаев, Абды Ибраимов, Ахмед Шамиев, Марклен Ибраев, Бакы Өмүркулов, Зуура Соронбаева, Мукан Рыскулбеков да роль жараткан.

"Ысык-Көлдүн кызгалдактары" 1973-жылы Страсбург шаарында эл аралык фестивалда атайын сыйлыкка ээ болуп, Тбилисидеги бүткүл союздук кинофестивалда Чокморов эркектин ролун мыкты аткаргандыгы үчүн диплом жана премияга татыган.

Тасмадагы кызыктуу ирмемдерди Sputnik Кыргызстан агенттигинин материалынан көрсөңүз болот.

Тема:
"Таберик сүрөт" — сейрек кездешкен ирмемдер (145)

Тема боюнча

Айтматовду вокзалдан узатып-тосуп алган Океев менен Шамшиев. Таберик сүрөт
Кыргыз өңү Чокморовдун өңүндөй!.. Шамшиевдин тасмасындагы таберик сүрөт
Кан кеткенде Орозбек Кутманалиев ыйлап жиберген. "Ак кемедеги" таберик сүрөт
Шамшиев менен Темировага котормочу болгон Чокморов. Таберик сүрөт
Белгилер:
таберик сүрөт, "Ысык-Көлдүн кызгалдактарындагы" тасмасы, Айтурган Темирова, Сүймөнкул Чокморов, Кыргызстан

Дагы инфографика

ЭҢ МААНИЛҮҮ