11:32 16 Бештин айы 2019
Түз эфир
  • USD69.8482
  • EUR78.0693
  • RUB1.1166
Маданият

Ай талааны жаңырта ыйлаган Сейдакматова. "Акбаранын көз жашындагы" таберик сүрөт

Кыскача шилтеме алуу
"Таберик сүрөт" — сейрек кездешкен ирмемдер (87)
38910
Снимок из фильма Акбаранын көз жашы режиссера Дооронбека Садырбаева
© Фото / Александр Федоров

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

Белгилүү актриса Жамал Сейдакматова менен актер Дүйшөн Байдөбөтовдун сүрөтү Ош облусунда 1988-жылы тартылган.

Ал жылы жазуучу Чыңгыз Айтматовдун "Кыямат" романынын негизинде режиссер Дооронбек Садырбаев "Акбаранын көз жашы" тасмасын тарткан. Ал эми актерлер жубайлардын образын аткарган.

Ошол кезеңди Кыргыз Республикасынын эл артисти Жамал Сейдакматова мындайча эскерет:

"Дүйшөн Байдөбөтов менин жолдошумдун ролун аткарган. Ал мага салыштырмалуу жаш болчу. Тасмада мени сабап жиберген жери бар эмеспи. Ошону ал башында уялып 2-3 күн мага кол көтөрө албай жүрдү. Ошондо Дооронбек Садырбаев аны катуу урушкан. Бир жолу мени үйүлгөн тезекти аралата түртүп жиберип денем көгала болгон эле. Дүйшөн менден кичүү болгондуктан, “эже” деп кечирим сурап келип калчу. Алай облусундагы ал жайлоодо кызыктуу окуялар көп болуп турчу, жергилүктүү малчылар кой союп, кымызын көтөрүп келип бизди көп сыйлап калышты. Ал эми Дооронбек Садырбаев өтө шайыр адам эле, режиссер колуна комуз алып обон созуп, биздин маанайыбызды көтөрүп турчу", — деди актриса.

Ошондой эле ал фильмде колдонулган эки карышкыр Россиядан алынып келип, аларды үйрөткөн адис жырткычтарды коштоп жүргөнүн кошумчалайт.

Тасмада Советбек Жумадылов, Рахила Машурова, Арсен Өмүралиев, Назира Мамбетова, Альгимантас Видугирис, Бусурман Одуракаев, Турсун Уралиев да роль жараткан.

Тема:
"Таберик сүрөт" — сейрек кездешкен ирмемдер (87)

Тема боюнча

Арыкта аккан кан, өксүгөн Күйүкова. "Ак кемедеги" таберик сүрөт
Ричард Тайсон менен кылыччан кыргыз балдар. "Чыңгыз хандагы" таберик сүрөт
"Монголдордун" курчоосундагы Төлөмүш Океев. "Чынгыз хандагы" таберик сүрөт
Белгилер:
кино тасма, Сүрөт, Дүйшөн Байдөбөтов, Жамал Сейдакматова, Кыргызстан

Дагы инфографика

ЭҢ МААНИЛҮҮ