16:59 22 Тогуздун айы 2018
Түз эфир
  • USD69.3319
  • EUR79.8391
  • RUB1.0616
Маданият

Эшекчен алп актер. Муратбек Рыскуловдун таберик сүрөтү

Кыскача шилтеме алуу
Мирбек Сакенов
"Таберик сүрөт" — сейрек кездешкен ирмемдер (41)
308 0 0
Эшекчен алп актер. Муратбек Рыскуловдун таберик сүрөтү
© Фото / Александр Федоров

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндоону улантат.

СССРдин эл артисти, театр жана кино жылдызы Муратбек Рыскуловдун сүрөтү 1957-жылы Ысык-Көлдө тартылган.

Аалы Токомбаев менен Михаил Аксаковдун сценарийинин негизинде жаралган комедиялык "Менин жаңылыштыгым" аттуу тасмага актриса Мираида Далбаева, актер Кадыр Жолдошев, Шамши Түмөнбаев, Медел Маниязов жана Садыкбек Жаманов да тартылган.

Бул ирмемди сүрөткө тартып калган фотограф Александр Федоров ошол учурду мындайча эскерет:

"Муратбек Рыскулов "Менин жаңылыштыгым" фильминде аксакалдын ролун аткарган. Ал киши танапис маалында эшекти минип алып топтошкон адамдардан алыс барып, тасмада сүйлөй турган текстин кайталайт эле. Аны биз отурган жерге кайра келе жатканда фотоаппаратыма түшүрүп алгам. Ошондон кичине убакыт өткөндөн кийин бир кабарчы келип фильмдин тартылып жатканы жөнүндө репортаж жасайм деп калды. Ошондо мен ага өзүмдүн сүрөтүмдү көрсөтсөм, корреспондент актердун кайра эшек минип, ары-бери баштырып берүүсүн суранып калды. Муратбек Рыскулов кичи пейил адам эле, жок дечү эмес. Аны менен баарлашуу аябай жеңил болчу", —деди Федоров.

Сүйүшкөн эки жаштын ортосундагы ортосундагы махабатты, кыргыз элинин үрп-адатын чагылдырган "Менин жаңылыштыгым" тасмасынын премьерасы көрүүчүлөргө 1958-жылы Москва шаарында сунушталган.

Тема:
"Таберик сүрөт" — сейрек кездешкен ирмемдер (41)

Тема боюнча

Залкарлардын кашкасы эле... Муратбек Рыскуловдун сүрөттө калган элеси
Жылмайган Рыскулов, жарк эткен Күмүшалиева. "Көчө" тасмасынан таберик сүрөт
Москваны багындырган кыргыздын каймактары. 1958-жылы тартылган таберик сүрөт
Белгилер:
Сүрөт, тасма, Муратбек Рыскулов, Кыргызстан
Колдонуу эрежелериПикирлер

Дагы инфографика

ЭҢ МААНИЛҮҮ