14:39 16 Чын Куран 2021
Түз эфир
  • USD84.7800
  • EUR101.5707
  • RUB1.1013
Маданият
Кыскача шилтеме алуу
30

Жети жаштагы Нурмухаммед нунчакта кол ойнотуп, кумири Брюс Линин ыкмаларын көрсөтүп Москвадагы "Лучше всех" деп аталган балдар шоусуна апрелде катышкан. Аны кечээ Россиянын Биринчи каналы көрсөттү.

БИШКЕК, 29-май — Sputnik. Россиядагы "Лучше всех" деп аталган балдар шоусуна катышкан кыргызстандык жети жашар Нурмухаммед Ташмаматовду кечээ Москвадан Биринчи канал көрсөттү.

Кичинекей мекендешибиз катышкан видеону Биринчи канал өзүнүн расмий сайтына жайгаштырды.

Телешоуга Нурмухаммед апрель айынын ортосунда чакырылган. Аны менен кошо эгиз бир туугандар, беш жаштагы Айпери жана Нурпери Тургуналиевалар кошо тартылган. Алар социалдык тармакка өздөрүнүн мыкты аткарган бийи менен таанылышкан.

Максим Галкин жети жашар Нурмухаммеди сөзгө тартып, андан Брюс Линин ыкмаларын аткарып берүүнү суранганда, баланын шамдагайлыгы студиялардын таңгалуусун жаратты.

Андан сырткары, Галкин экөө белгилүү актер Жеки Чандын кинотасмаларындагы белгилүү болгон бир канча гримастарын туурашты.

Галкин кыргызстандык бөбөккө салт болуп калган медалды жана фирмалык сумканы тапшырды.

Ал эми Нурмухаммед алып баруучуга жыгач кемени белекке берди.

Брюс Лини туураган кичинекей Нурмухаммед жөнүндө анын аткарган көнүгүүлөрү менен ыкмалары социалдык тармакка чыккандан кийин элге тарап кеткен. Кийинчерээк баланын каратэ менен үч жашынан тарта машыгып келгени жана сары курдун ээси экендиги белгилүү болгон.

Тема боюнча

Айпери менен Нурпери катышкан Галкиндин шоусу 11-июнда көрсөтүлөт
Эл оозуна алынган кичинекейлер. КВНчиден тарта ди-джейге чейин
Акылдуу балдар: 6 айында тамга тааныган Раим, 11 секундда кубик чогулткан Чыңгыз
Белгилер:
Биринчи канал, Максим Галкин, Нурмухаммед Ташмаматов, Москва

ЭҢ МААНИЛҮҮ