БИШКЕК, 19-апр. — Sputnik. Борбор калаада "Айтуучулук өнөрдүн тарыхы жана учурдагы абалы" темасында семинар өтөт. Бул тууралуу Sputnik Кыргызстан агенттигине Бейшеналиева атындагы Кыргыз мамлекеттик маданият жана искусство университетинин Салттык музыка жана фольклор кафедрасынын башчысы Самат Көчөрбаев билдирди.
Иш-чара салттык музыка жумалыгынын алкагында уюштурулууда.
"Айтуучулук өнөр боюнча талкуу өткөрүүнү пландап жатабыз. Ага манасчылар, акындар жана дастанчылар катышат. Коомдук уюмдардын искусствонун өнүгүшүнө тийгизген таасирин сүйлөшөбүз", — дейт Көчөрбаев.
Мындан тышкары, коомдук уюмдар менен Маданият, маалымат жана туризм министрлигинин ортосундагы алака тийгизген таасири талкууга алынарын кошумчалады.
Семинар аталган окуу жайда 20-апрель күнү саат 9:00дө башталат.
