21:06 01 Тогуздун айы 2020
Түз эфир
  • USD79.4881
  • EUR93.2356
  • RUB1.0286
Азия
Кыскача шилтеме алуу
32301

Жакынкы күндөрү Челябинскиде куш тумоосу вирусунун генетикалык материалдары табылган. Тобокел аймактардын бири деп Казакстандын түндүк-батышы эсептелген.

БИШКЕК, 5-авг. — Sputnik. Казакстан кошуна Челябинск облусунда куш тумоосунун очогу табылгандыгына байланыштуу Россия менен чектешкен жерине көзөмөл жасап, чектөө киргизди. Бул тууралуу Sputnik Казакстан маалымат агенттиги жазды.

Коңшу өлкөнүн Айыл чарба министрлигинин ветеринардык көзөмөл комитети Челябинск облусунан тирүү канаттууларды, алардын жумурткаларын, этин, жүнүн жана канатын ташып келүүгө жана транзитке убактылуу тыюу салган.

"Ошондой эле үй канатуусунун ысык буу менен иштетүүдөн өткөрүлбөгөн, жүнү-канаты алынбаган (таксидермиялык иштетүү) башка азыктарын ташып келгенге болбойт. Жадагалса алар камалып турган жабдыктар, андан кийин союп, кескен шаймандар алып келинбесин", — деген министрлик.

Учурда чек ара аймактарындагы кырдаал региондордун ветеринардык кызматтары тарабынан өзгөчө көзөмөлгө алынган.

3-4-август күндөрү Челябинскинин Ветеринардык жана фитосанитардык көзөмөл кызматы куш тумоосу вирусунун генетикалык материалдары табылганын кабарлаган. Анын бардык үлгүсүндө H5N8 тумоосуна окшош вирус аныкталган. Тобокел аймактардын бири деп Казакстандын түндүк-батышы эсептелген.

ДССУ Кытай менен коронавирустун келип чыгышын иликтөөнү макулдашты

Маалыматта куш тумоосу канаттуунун бардык түрүнө жугуп, алардын массалык түрдө кырылышына алып келери айтылат. Ошондой эле адамдын организмине да кедергисин тийгизет.

Тема боюнча

Тыным албай көзөмөлдөгүлө. ДССУ эксперттери пандемия дагы көпкө созуларын айтты
Белгилер:
чектөө, чек ара, куш тумоосу, Казакстан, Россия

ЭҢ МААНИЛҮҮ