Кыргыз-казак чегиндеги "Ак-Жолдон" башка өткөрүү пунктуларында абал кандай
Кыргыз-казак чегиндеги "Ак-Жолдон" башка өткөрүү пунктуларында абал кандай
Sputnik Кыргызстан
Жалпы жонунан Кыргызстан менен Казакстандын чегинде жайгашкан 12 көзөмөл өткөрүү пункту бар, анын сегизи толук кандуу иштейт. 11.10.2017, Sputnik Кыргызстан
"Ак-Тилек" өткөрүү пунктундагы аягы көрүнбөгөн фуралардын тыгыны
Билдирүүгө ылайык, Кыргызстан менен Казакстандын чегинде 12 көзөмөл өткөрүү пункту жайгашкан, бирок анын сегизи гана иштейт. Учурда "Ак-Жол", "Ак-Тилек" жана "Чоң-Капка" бекеттеринде тыкыр текшерүү жүрүп, жөө адамдар жана унаалар кезек күтүүдө. Калгандары күнүмдүк режимде иштеп жатат.
Белгилей кетсек, өркөрмө бекеттери эл аралык жана эки тараптуу болуп бөлүнөт. Эл аралык өткөрмө бекетине "Ак-Жол", "Ак-Тилек", "Чоң-Капка", "Чалдыбар" пунктулары кирет. Эки тараптуу өткөрмө бекетинде "Кайыңды" (темир жол) "Кең-Булуң" "Каркыра" жана "Токмок" көзөмөл өткөрүү жайлары жайгашкан.
Учурда "Ак-Жол" жана "Ак-Тилек" өкөрмө жайларында Sputnik Кыргызстан агенттигинин кабарчылары жүрөт. Алардын айтмында, учурда чек арадан өтө албай жүздөгөн адамдар кезек күтүүдө. Кармалып турган унаалардын да саны арбын.
Ал эми Талас жана Тараз облустарынын чегинде жайгашкан Чоң-Капка көзөмөл өткөрүү пунктунда да унаалар кармалып турганын жергиликтүү тургун Урмат Төлөгөнов билдирди.
"Мен кечээ түшкү саат үчтөрдө Тараздан өтүп келгенимде каттамдар адаттагыдай эле жүрүп жаткан. Унаалардын кармалуусу кечке жуук башталды. Учурда Кыргызстан тарапта болжол менен 40тан ашуун оор жүк ташуучу унаа жана тизилип турат. Арасында кечээтен бери турган айдоочулар бар экен. Азыр айрымдары артка кайта башташты", — деди Төлөгөнов.
Ошондой эле ал чек ара толук жабылбаганын, бирок жөө адамдарды да, унааларды да өтө жай өткөрүп жатканын кошумчалады.
