БИШКЕК, 3-апр. — Sputnik. Иран АКШ менен Израилдин чабуулдарынан тарткан чыгымына кенемтени күч менен төлөтүп алат, анын жолдору бар. Бул туурасында Ирандын Куралдуу күчтөрүнүн Башкы штабынын генералы Абольфазль Шекарчи айтканын РИА Новости жазды.
"Согушта душмандардан кенемтени күч менен өндүрөбүз. Бизде анын жолдору бар", — деп айткан Шекарчи.
Ал эми өлкөнүн ТИМ башчысы Аббас Аракчи Вашингтондун Ирандын транспорттук жолдоруна койгон чабуулу аталган өлкөнүн элин кол куушуртуп, багындыра албастыгын айтты.
"Жарандык инфраструктура, алардын ичинде курулуп бүтө элек көпүрөлөргө урулган соккулар иран элин багындыра да, эркин майтара да албайт", — деген Аракчи.
Мындай кадам АКШнын нравалык жактан улам паска түшүп бара жатканынын көрсөткүчү экени белгиленген.
"Талкаланган ар бир имарат, ар бир көпүрө кайрадан калыбына мурдагысынан да бекем болуп келет. Кайра көтөрүлбөй, калыбына келбей турган нерсе — АКШнын түшкөн бедели жана жаманатты болгону", — деген министр.
АКШ менен Израиль 28-февралда Иранга кол салган. Тегеран Израилге жана АКШнын Жакынкы Чыгыштагы аскердик базаларына сокку уруп жооп кайтарууда.