БИШКЕК, 30-дек. — Sputnik. "Манас" аэропортуна заманбап жарык сигнал берүү системасы орнотулууда. Бул тууралуу "Кыргызстан аэропорттору" компаниясы билдирди.
Анын айтымында, CAT III деп аталган жарык-сигналдык система аба ырайынын катаал шартында да авиакаттамдарды коопсуз тейлөөгө шарт түзөт.
Ошентсе да конууну ишке ашыруу жөнүндө акыркы чечимди аба ырайынын шарттарын жана учактын мүмкүнчүлүктөрүн эске алуу менен самолеттун экипажы кабыл алары кошумчаланды.