БИШКЕК, 10-авг. — Sputnik. Кыргызгидромет алдыдагы аптага карата 17-августка чейинки аба ырайынын божомолу менен бөлүштү.
Анда күндүн табы бир аз түшүп, бирок жуманын ортосунда кайрада көтөрүлүп, Бишкек, Ошто температура 38 градуска чейин жетери айтылган.
Чүй, Талас облустары
Жума ичинде аймактарда жаан-чачын күтүлбөйт. Тоолуу аймактарда мезгил-мезгили менен күн күркүрөп, өткүн өтөрү айтылды. Чүйдө 11-12синде жана 17-августта эки облуста тең жамгыр себелеши ыктымал. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Ош, Баткен, Жалал-Абад дубандары
Апта ичинде күн ачык болот. Тоолуу жерлерде күндүн көзү ачылып-бүркөлүп турат. Кээде күн күркүрөп өткүн дагы болушу ыктымал. Жалал-Абад менен Баткенде 17-августта маал-маалы менен менен жамгыр жаашы мүмкүн. Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Ысык-Көл, Нарын аймактары
Облустарда апта ичи жаан-чачындуу болот. Көпчүлүк аймактарда өткүн өтүп, күн күркүрөп турат. Нарында 13-августта күн ачык болорун айтышты. Батыштан соккон шамалдын ылдамдыгы секундасына 4-9 метрден, 4-августта күндүз айрым жерлерде 15-20 метрге чейин жетиши күтүлөт.