Режиссерлордун кыялын ишке ашырган сүрөтчү. Муса Абдиевдин сүрөттөрү

Муса Абдиев 1934-жылы 23-февралда Жалал-Абад облусунун Орто Азия айылында жарык дүйнөгө келген. Мектеп-интернатты аяктаган соң Фрунзедеги сүрөт окуу жайында билим алган. Эмгек жолун "Кыргызфильм" киностудиясында сүрөтчүнүн ассистенти, сүрөтчү-коюучу болуп баштаган.

Кыргыз элинин турмушун, нарк-насилин мыкты билген талант "Тянь-Шандын кызы", "Аптап", "Жоро", "Биринчи мугалим" кинофильмдеринде сүрөтчү болгон. КР эл сүрөтчүсү "кыргыз кереметинин" жаралуусуна салым кошуп, советтик режиссер, операторлорго көмөктөшкөн. СССРдин кинематографиясынын мыктысы быйыл 7-январда бул дүйнө менен кош айтышты.

1 / 12

Муса Абдиев 1959-жылы Фрунзедеги Сүрөт окуу жайын аяктаган

2 / 12

"Биринчи мугалим" фильминдеги каармандардын XX кылымдын башындагы кийимдеринин эскизи

3 / 12

Сүрөтчү далай кинофильмдердеги актер, актрисалардын кийим-кечесин ошол заманга, учурга тууралап берген. Сүрөттө кинорежиссер Төлөмүш Океевдин "Сүйүү закымдары" тасмасында актердун чалмасын ороп жатат.

4 / 12

Таланттуу сүрөтчү "Жоро" кинофильминдеги каармандар үчүн кийимдердин эскизин даярдаган

5 / 12

Кыргыз маданиятын, этнографиясын мыкты билген адис киночулар менен

6 / 12

СССРдин кинематографиясынын мыктысы съемкада колдонулчу зер буюм, үй оокаттарын, курал-жарактарды тандап жасатууда жакшы кеңешчи болгон

7 / 12

Анын "кыргыз кереметине" тиешелүү сүрөттөрү чет өлкөдөгү көргөзмөлөргө катышып сыйлыктарга татыган

8 / 12

КР эл сүрөтчүсү кыргызстандык жана чет элдик киночулар менен жигердүү кызматташкан

9 / 12

Абдиев режиссердун кыялында жаткан ойлорду кагаз бетине жогорку чеберчиликте түшүргөн

10 / 12

"Кыргызфильмдин" мыкты сүрөтчүлөрү. Кесиптештер Сагын Ишенов менен Муса Абдиев.

11 / 12

Кинодогу достор: Шамил Жапаров, Талип Ибраимов, Муса Абдиев жана Тынай Ибрагимов

12 / 12

Көптөгөн киношедеврлерди жаратууга катышкан таланттуу инсан 2024-жылы 7-январда бул дүйнө менен кош айтышкан

Тема боюнча:

85 жашка толмок. Дооронбек Садырбаевдин сүрөттө калган элеси

Кыргыз балетинин чолпон жылдызы эле. Чолпонбек Базарбаевдин сейрек сүрөттөрү

Киного 18 жашында аралашкан. Режиссер Төлөгөн Сыдыковдун сүрөттөрү

75 жашка толмок. Айтылуу тасмаларды тарткан оператор Мурат Алиевдин сүрөттөрү