Азиз Мурадилаев 1978-жылы 12-июнда Бишкекте театр ишмерлеринин үй-бүлөсүндө жарык дүйнөгө келген. Ал да ата-энесинин жолу менен кетип Кыргыз драма театрынын алдындагы студияда, Москвадагы Щепкин атындагы театралдык окуу жайында кесипке ээ болгон. Актер театрда "Манастын уулу Семетей", "Ай тутулган түндө", "Каркыранын канаты", "Играем Андерсона", "Төлгө", "Макбет", “Кылым карытар бир күн”, “Саманчынын жолу” өңдүү 40тан ашык спектаклде ойноп, бир катар кинорежиссерлордун эмгектеринде роль жараткан.
Жеке жашоосунда курсташы Элвира Жумалиевага баш кошуп, түгөйлөр эки уулдуу болгон. КР эмгек сиңирген артисти акыркы жылдары боордун 4-даражадагы циррозу (кара сарык — ред.) менен ооруп, өткөн жылы 44 жашында ооруканада көз жумган.
Тема боюнча: