Назира Мамбетова 1948-жылы Ысык-Көл облусунун Жети-Өгүз районундагы Тамга айылында жарык дүйнөгө келген. Элеттеги мектепти аяктаган соң Москвадагы Театралдык институттун актерлук факультетинде окуган. Жогорку кесипке ээ болгон болочоктогу атактуу актриса 24 жашында Ош улуттук драма театрында эмгек жолун баштайт.
Актриса сахнада ондогон образды жаратып, көрүүчүлөрдүн сүймөнчүлүгүнө ээ болгон. Кийин борбор калаадагы Бакен Кыдыкеева атындагы жаш көрүүчүлөр театрында иштеп, кинематографисттер менен кызматташып тасмаларда роль жараткан. КР эл артисти азыр да театрда эмгектенип, жаштарга жол көрсөтүп келет.
Тема боюнча: