Жетим өсүп жетилген... Абдыганы Эркебаевдин сүрөттөгү өмүр жолу

Абдыганы Эркебаев 1953-жылы 1-сентябрда Ош облусунун Чоң-Алай районундагы Кара-Тейит айылында жарык дүйнөгө келген. Эки жашында атасынан, үчкө чыкканда апасынан айрылып жетим калган. Оор турмушта курсак тойгузууну эңсеген бала элдин малын кайтарып өскөн. Элеттеги мектеп-интернатты аяктаган соң Кыргыз улуттук университетинин кыргыз тили жана адабияты факультетинде окуп, Москвадагы Илимдер академиясында аспирантурада билим алган. Эмгек жолун Борбордук комитетте лектор болуп иштөө менен баштап, "Кыргызстан маданияты" гезитинин башкы редакторунун орун басары, Улуттук илимдер академиясынын Тил жана адабият институтунун директору кызматына чейин жеткен. Ал эми саясатка аралашкан 90-жылдары Жогорку Кеңештин депутаты, басма сөз жана маалымат министри, вице-премьер, Ош облустук мамлекеттик администрациясынын башчысы, Жогорку Кеңештин Мыйзам чыгаруу жана Эл өкүлдөр жыйынынын төрагасы кызматтарында иштеген. Андан сырткары, Кыргыз-Россия Славян университетинин проректору, Улуттук илимдер академиясынын президенти, Кыргызстан элдер ассамблеясынын төрагасы кызматтарын аркалаган. Саясатчы ошол эле маалда коомдук иштер менен биргеликте жазмакерлигин токтотпой эмгектерин окурмандарга сунуштап келет.

1 / 15

Абдыганы Эркебаев ата-энесинен эрте ажырап, айылда мал кайтарып чоңойгон

2 / 15

Болочоктогу саясатчы мектеп-интернатта билим алып уядан учкан. Ош облусу, 1960-жылдар.

3 / 15

Студенттик кез. Айылдан борборго келген Эркебаев Кыргыз улуттук университетинин кыргыз тили жана адабияты факультетин артыкчылык менен аяктаган.

4 / 15

Филолог 1976-жылдан 1981-жылга чейин Москвада аспирантурада окуган

5 / 15

80-жылдары мугалимдикти аркалап, үч жылдай "Кыргызстан маданияты" гезитинин башкы редакторунун орун басары болуп иштеген

6 / 15

Филология илимдеринин доктору 90-жылдары саясатка аралашып Жогорку Кеңештин депутаты болуп шайланган

7 / 15

Эркебаев бир нече чакырылыштын депутаты болуп, Жогорку Кеңештин Мыйзам чыгаруу жыйынынын, Эл өкүлдөр жыйынынын төрагасы кызматын аркалаган

8 / 15

Академик Улуттук илимдер академиясынын президенти болуп да иштеп калган

9 / 15

I даражадагы Манас орденинин кавалери мамлекеттик кызматтын бир топ тепкичин басып өткөн

10 / 15

Абдыганы Эркебаев облус башчысы, министр, вице-премьер кызматтарын аркалаган

11 / 15

Улуттук илимдер академиясынын экс-президенти Абдыганы Эркебаев менен экс-министр Эльвира Сариева

12 / 15

Окумуштуу — бир нече китеп, илимий макалалардын автору

13 / 15

Кичи мекенине барып жердештеринин сыйына бөлөнгөн илимпоз

14 / 15

Академик байбичеси Бурул Жаналиева экөө бир кыз, эки уулду тарбиялап өстүргөн. Сүрөттө неберелери менен.

15 / 15

Президент Садыр Жапаров 70 жашка толгон коомдук ишмерди I даражадагы Манас ордени менен сыйлады

Тема боюнча:

"Жамийлада" Сейит, "Бакайдын жайытында" Калык... Назирет Дубашевдин сүрөттөрү

Көп кырдуу талант... 65 жашка чыккан Күмөндөр Абыловдун сүрөттөгү ирмемдери

Далайдын дартына даба тапкан Сабырбек Жумабеков. Хирургдун жашоосунан сүрөт баян

Чыгармалары менен дүйнө кезген Султан Раев 65 жашта. Сүрөт баян

Элине ак дилинен кызмат кылган. Иманкалыкованын сүрөттө калган ирмемдери