Эркектер менен эриш-аркак эл башкарган. Иманкалыкованын сейрек сүрөттөрү

Зууракан Иманкалыкова 1923-жылы Ысык-Көл облусунун Түп районундагы Талды-Суу айылында жарык дүйнөгө келген. Элеттеги мектепти аяктаган соң мугалим болуп иштеп, коомдук иштерге активдүү катышкан. Мыкты уюштуруучу 25 жашында Талды-Суу райкомунун биринчи катчысы болуп дайындалган. Кийин Ысык-Көл облусунун жаштар коммунисттик союзунун биринчи катчысы болуп, 1954-жылы Кыргыз ССРинин Жогорку Советинин президиумунун төрагасынын орун басары кызматына барган. Эки жылдан соң катчы, 60-70-жылдары сыйлыктар бөлүмүн жетектеп 25 жылдай өмүрүн кыргыз парламентине арнаган.

Бир нече чакырылыштын депутаты 1971-жылдан тарта мугалимдик кесипти аркалап, Кыргыз улуттук университетинин Тарых кафедрасында, даярдоо бөлүмүндө сабак берип, бир топ кадрларды өстүргөн. Тарых илимдеринин кандидаты жеке жашоосунда жолдошу менен төрт уул-кызды тарбиялап өстүргөн. Мамлекеттик ишмер 2011-жылы 12-июнда 88 жашында дүйнөдөн кайткан.

1 / 16

Зууракан Иманкалыкова 16 жашында эле айылда мугалим болуп иштеп, эмгек жолун баштаган

2 / 16

Айылдагы мектептеги кесиптештери менен. Иманкалыкова үчүнчү катарда так ортодо отурат. Ысык-Көл облусу, 1946-жыл

3 / 16

Иманкалыкова кийин Ысык-Көл облусунун жаштар коммунисттик союзунун биринчи катчысы болуп иштеген

4 / 16

Иманкалыкованы кыргыз интеллигенциясынын түптөөчүлөрүнүн бири дешкен. Себеби ал элеттен таланттуу жаштарды таап, идиректүүлөрүн окууга жөнөтүп, айрымдарын өз камкордугуна алган. Сүрөттө ал кыргыз элинин каймактары менен

5 / 16

Ал Кыргыз ССРинин үч, СССРдин Жогорку Советинин төрт жолку депутаты болгон

6 / 16

Залкар жазуучу Чыңгыз Айтматов, мамлекеттик ишмер Зууракан Иманкалыкова, драматург Токтоболот Абдумомунов, коомдук ишмер, котормочу Тургунбек Суванбердиев жана министр Күлүйпа Кондучалова атасы менен

7 / 16

Иманкалыкова Кыргыз ССРинин Жогорку Советинин төрагасынын орун басары болуп жыйырма жылга чукул иштеген

8 / 16

Ата мекендик авиациянын башында турган Ишенбай Абдраимов, Кыргыз ССРинин тышкы иштер министри Сакин Бегматова жана Кыргыз ССРинин Жогорку Советинин президиумунун төрагасынын орун басары Зууракан Иманкалыкова

9 / 16

Ысык-Көлдө кайыкта сүзгөн белгилүү актриса Бакен Кыдыкеева, Зууракан Иманкалыкова замандаштары менен

10 / 16

Кыргыз элинин башында тургандар: солдон оңду көздөй Кадыркул Качкеев, Казы Дыйканбаев, Зууракан Иманкалыкова, Абды Сүйөркулов. Москва шаары, 1955-жыл

11 / 16

Шайлоонун жүрүшүн көзөмөлдөгөн Чыңгыз Айтматов менен Зууракан Иманкалыкова

12 / 16

Солдон оңду көздөй окумуштуу Курмангалы Каракеев, мамлекеттик ишмер Зууракан Иманкалыкова, атактуу хирург Иса Ахунбаев, скульптор Тургунбай Садыков жана дирижёр Асанкан Жумакматов. Фрунзе шаары, 1970-жылдар

13 / 16

Мамлекеттик ишмер белгилүү скульптор Зураб Церетели менен

14 / 16

Иманкалыкова Кыргыз улуттук университетинде чогуу иштеген мугалимдер менен иш маалында

15 / 16

Тарых факультетинде иштеген мугалимдер Советтер Союзунун Баатыры Калыйнур Үсөнбеков менен

16 / 16

Иманкалыкова жолдошу экөө төрт уул-кызды татыктуу тарбиялап өстүргөн

Тема боюнча:

70 жылдай өмүрүн музыкага арнаган. Дирижер Жумакматовдун сүрөттөгү ирмемдери

Энелердин майрамын утурлай. Өлкөнүн өнүгүүсүнө салым кошкон мыктылардын сүрөтү

Элине ак дилинен кызмат кылган. Иманкалыкованын сүрөттө калган ирмемдери