70 жылдай өмүрүн музыкага арнаган. Дирижер Жумакматовдун сүрөттөгү ирмемдери

18:19, 18 Кулжа 2023
Быйыл СССРдин эл артисти, залкар дирижер Асанкан Жумакматовдун 100 жылдыгы белгиленүүдө. Бул датага утурлай Sputnik Кыргызстан агенттиги таланттуу маэстронун сүрөттө калган ирмемдерин сунуштайт.
Sputnik
Асанкан Жумакматов кичинекейинен музыкага жакын өсүп, 17 жашында Фрунзедеги музыкалык драма театрынын урма аспаптар боюнча музыканты болуп ишке алынган. Улуу Ата Мекендик согуштан кийин Москвадагы консерваториянын эки жылдык студиясында билим алып, 25 жашында Кыргыз улуттук академиялык опера жана балет театрынын дирижеру болуп иштей баштаган. Кийин Москвадагы консерваторияда беш жыл окуп, аны кызыл диплом менен бүтүргөн. СССРдин эл артисти ондогон жыл ар кыл чыгармачыл жааматтарда башкы дирижёр, көркөм жетекчи, директор кызматтарын аркалап 50дөн ашык опера жана балетти оркестрлештирип атактуу композиторлордун чыгармаларын элге сунуштаган. Ошондой эле симфониялык оркестр түзүп, аны узак убакыт жетектеген. КР Баатыры узак убакыт Бүбүсара Бейшеналиева атындагы искусство институтунда, Калый Молдобасанов атындагы Кыргыз улуттук консерваториясында эмгектенип далай шакирттерди тарбиялай алган. Токтогул атындагы мамлекеттик сыйлыктын лауреаты 2008-жылдын 21-июлунда 85 жаш курагында дүйнө салган.
1 / 19

Асанкан Жумакматов эмгек жолун Фрунзеги музыкалык драма театрдан баштаган

© Фото / из семейного архива Жумакматовых
2 / 19

Дирижер 17 жашында фронтко аттанып катуу жарадар болуп келген

© Фото / из семейного архива Жумакматовых
3 / 19

Москвадагы консерваториянын алдындагы эки жылдык студияны аяктаган 25 жаштагы жигит борбор калаадагы Опера жана балет театрынын дирижёру болуп дайындалган

© Фото / Александр Федоров
4 / 19

Жумакматов Москвада студент болуп жүргөн жылдары СССРдин академиялык театрынын музыкалык жетекчиси, башкы дирижеру болуп иштеп, окууну кызыл диплом менен аяктаган

© Фото / из семейного архива Жумакматовых
5 / 19

Кыргыз ССРинин эл артисти Кыргыз улуттук академиялык опера жана балет театрынын башкы дирижёру, көркөм жетекчиси, директору да болуп эмгектенген

© Sputnik / Александр Федоров
6 / 19

Тартипти сүйгөн маэстро кесиптештери, сахналаштары менен

© Фото / из семейного архива Жумакматовых
7 / 19

Кыргыз Республикасынын жана СССРдин эл артисттери Кайыргүл Сартбаева менен атактуу дирижер Асанкан Жумакматов. Залкар инсандар 600дөй чыгарманы оркестрлештирип радиого жаздырган.

© Фото
8 / 19

Окумуштуу Курмангалы Каракеев, мамлекеттик, коомдук ишмер Зууракан Иманкалыкова, атактуу хирург Иса Ахунбаев, скульптор Тургунбай Садыков жана дирижер Асанкан Жумакматов. Фрунзе шаары, 1970-жылдар.

© Sputnik / Александр Федоров
9 / 19

Залкар талант Азербайжан Мамлекеттик опера жана балет театрынын дирижеру болуп да иштеп калган жайы бар

© Фото / из семейного архива Жумакматовых
10 / 19

СССРдин эл артисти Карамолдо Орозов атындагы эл аспаптар оркестрининин башкы дирижеру, көркөм жетекчиси

© Sputnik / Александр Федоров
11 / 19

Чыгармачылык менен жашаган дирижер "театр, репетиция, гастроль, үй, кезектеги чыгарманы сахнага даярдоо керек" деп жашаган

© Фото / из семейного архива Жумакматовых
12 / 19

Жумакматовдун демилгеси менен 1969-жылы өлкөдө алгачкы симфониялык оркестр иштейт баштаган. Азыр ал оркестр Асанкан Жумакматовдун ысымын алып жүрөт.

© Фото / из семейного архива Жумакматовых
13 / 19

Токтогул атындагы мамлекеттик сыйлыктын лауреаты далай жаштарга жол көрсөтүп, бир топ шакирттерди тарбиялаган

© Фото / из семейного архива Жумакматовых
14 / 19

Дирижер ондогон чыгарманы оркестрлештирип сахнага чыгарган. Сүрөттө ал белгилүү опера ырчысы Болот Миңжылкыев менен.

© Sputnik / Александр Федоров
15 / 19

Профессор Жумакматов Бүбүсара Бейшеналиева атындагы искусство институтунда, Калый Молдобасанов атындагы Кыргыз улуттук консерваториясында сабак берген

© Sputnik / Александр Федоров
16 / 19

Токтогул Сатылганов атындагы мамлекеттик сыйлыктын лауреаты музыкага 70 жыл өмүрүн арнаган

© Sputnik / Мамадалиев
/
Медиабанкка өтүү
17 / 19

Борбор калаанын "Ала-Тоо" аянтында оркестрди жетектеген дирижер. Кезинде маэстро республикадагы бир топ маданий иш-чаралардын башында турчу.

© Sputnik / Александр Федоров
18 / 19

КРдин Баатыры байбичеси, кызы жана небереси менен

© Фото / Александр Федоров
19 / 19

Кыргыз Республикасынын эл артисти 2008-жылы 21-июлда 85 жаш курагында дүйнө салган

© Sputnik / Александр Федоров
Тема боюнча:
— Даректүү тасмаларды мыкты тарткан. Режиссёр Лиля Турусбекованын сүрөттөрү
— Согуш маалында көчүрүлгөн элди жайгаштырган Казы Дыйканбаев. Сүрөт түрмөк
КыргызстанМаданияттеатрдирижерАсанкан ЖумакматовСүрөт түрмөк