Эр оюнда эрендердин дымагы сыналып... Улуттук оюндардагы кызыктуу ирмемдер

Ат үстүндө эр эңиш боюнча күч сынашкан балбандар. Жеңиш каршылашын эрден оодарып түшкөнгө берилет.

Бүйүр кызыткан аламан улак. Мелдеште улакчылар торпокту тартышат. Ошондуктан бул спорттун түрү эрендердин эр оюну деп айтылат.

Таяк тартыш — билеги күчтүү спортчулардын оюну

Ысык-Көлдүн жээгинде кыргыз күрөш боюнча күч сынашкан спортчулар. Кыргыз күрөшү — байыркы улуттук күрөш түрлөрүнүн бири.

Аркан тартыш оюнун учурда кичинекей балдардан тарта чоңдорго чейин ойношот

Көчмөн элдерде ат оюндарынын бир нече түрү бар. Көк бөрү, аламан улак, кыз куумай, кунан жарыш, ат чабыш, тай чабыш, жорго салыш...

Ордо — эзелтен бери келе жаткан кыргыз оюндарынын бири

Кыз куумай — ат менен жигит кызга жетип артылып бетинен өпсө, жетпей калганда кыз атынын башын буруп камчы менен жигитти кайра кубалап жөнөйт

Көк бөрү ойногон спортчулар. Аталган оюн акыркы жылдары эл аралык спорттун түрүнө айланды

Кыргыздар тайгандарды мал бакканга, аңчылык үчүн кеңири колдонгон. Ал эми азыр спортчулар арасында тайган жарыштар уюштурулуп келет.

Салбуурун — алгыр куш жана тайган салуу менен коштолгон кыргыз элинин комплекстү аңчылык оюндары

Миңдеген улакчы күч сынашкан Кара-Суудагы аламан улак

Жайлоодо чүкө ойногон өспүрүмдөр. Кезинде ал айылдык балдардын сүйүктүү оюндарынын бири болгон.

Балдардын шамдагайлыгын өрчүткөн чикилдек оюнун ойногон өспүрүмдөр

Тогуз коргоол — кыргыз элинин улуттук интеллектуалдык оюну. Кыргыздар илгери болочок башкаруучулардын акылын ушул оюн менен текшерген.