БИШКЕК, 2-мар. — Sputnik. Казакстандын сейсмологдору Кыргызстан менен Кытайдын чек арасына жакын жерде жер титирөө каттады. Бул тууралуу Тажрыйбалык-методикалык сейсмологиялык экспедициянын сайтында жазылган.
Казакстандын сейсмологдорунун маалыматында, жер титирөө саат 19:01де катталып, очогунда күчү 4,7 баллга жеткен. Очогу 15 чакырым тереңдикте болгону да айтылат.
Буга чейин дагы Кыргызстан менен Кытайдын чек арасындагы Какшаал тоолорунда жер титирөө болгон.