БИШКЕК, 29-окт. — Sputnik. Россиянын Коргоо министрлиги "Түндүк агым — 1" жана "Түндүк агым — 2" газ түтүктөрүндөгү жардырууну даярдаган деп Улуу Британияга айып коюуда.
Мындай билдирүү бүгүн Севастополго жасалган чабуулга байланыштуу жасалды. Бүгүнкү теракт менен Украинанын деңиз операциялары боюнча 73-атайын борбордун аскер кызматкерлерин окутуу Очаковго келген британиялык адистердин жетекчилиги менен ишке ашырылганы белгиленип жатат.
"Колдогу маалыматтарга караганда, Улуу Британиянын аталган бөлүктөгү өкүлдөрү 26-сентябрда "Түндүк агым — 1" жана "Түндүк агым — 2" газ түтүктөрүндөгү жардырууну даярдоого, камсыздоо жана ишке ашырууга катышкан", — деп айтылат министрликтин билдирүүсүндө.
Эскерте кетсек, сентябрдын аягында болгон диверсияларды РФ президенти бүтүндөй континенттин энергетикалык коопсуздугун үзгүлтүккө учураткан эл аралык террордук акт деп атаган.