БИШКЕК, 4-окт. — Sputnik. Дүйнө коомчулугу ДЭРдин, ЛЭРдин, Херсон жана Запорожье облустарынын Россияга кошулушун акырындап таанышы мүмкүн. Бул туурасында АКШнын Виргиния штатынан мурда сенатка шайланган Ричард Блэкт РИА Новостиге маек берип жатканда айткан.
"Бул (Россияга төрт субъектинин кошулушу — ред.) саясий өңүттөн алганда россиялык кызыкчылыктарды алдыга жылдырат... Жаңы аймактарды дүйнөнүн көпчүлүк өлкөлөрү тааныбаганы менен... акыры бул нерсе болот", — деген ал.
Блэктин айтымында буга окшогон процесстер болгондо "жакынкы союздаштардын анча көп эмес бөлүгү биригүүнү тааныйт", негизи эле бул акырындап ишке ашчу нерсе.
"Украина бул аймактарды кайра алат деп ойлобойм", — деген агенттиктин маектеши.
Эске салсак, ДЭР, ЛЭР, Херсон жана Запорожье облустарынын Россиянын курамына кошулушу тууралуу референдум 23-27-сентябрда өттү. Бюллетендер 100 пайыз саналып бүткөндөн кийинки жыйынтыкка таянсак, эң жогорку көрсөткүч Донецк (99,23 пайыз) менен Луганскиде (98,42 пайыз) болгон. Ал эми Херсондогулардын 87,05 пайызы, Запорожье облусундагылардын 93,11 пайызы Россияга кошулууга макул болгон.
30-сентябрда РФ лидери Владимир Путин жана аймактардын жетекчилери Кремлде Россиянын курамына кирүү боюнча келишимге кол койгон. Андан соң РФтин Конституциялык соту бул документттердин Баш мыйзамга туура келерин тааныган.
Ал эми Мамлекеттик Дума 3-сентябрда бир добуштан ДЭР, ЛЭР жана Запорожье, Херсон облустарынын Россиянын курамына кирген келишимдерин ратификация кылды.