БИШКЕК, 1-сен. — Sputnik. Кыргызстандан Пакистанга түз аба каттамы ачылып, алгачкы учак барып конду. Бул тууралуу "Манас" аэропортунун маалымат кызматы билдирди.
Кыргызстандык "Аэро Номад Эйрлайнс" авиакомпаниясы Бишкек — Лахор — Бишкек багыты боюнча туруктуу каттам аткара баштады. Алгачкы учак 30-августта барып конгон.
Аталган багыт боюнча туруктуу авиакаттам биринчи жолу ачылып жатканы белгиленди. Мындан ары жумасына бир жолу – шейшемби сайын учуп турат.