БИШКЕК, 16-июн. — Sputnik. Кыргызгидромет июль айына карата аба ырайы тууралуу маалымат таратып, өлкөнүн көп облустарында абанын температурасы климаттык норманын чегинде болорун билдирди.
Июль айындагы абанын орточо температурасы
© Фото / пресс-служба Кыргызгидромет
Жаан-чачындын айлык көлөмү Ысык-Көл, Нарын облустарында, Ош, Жалал-Абад облустарынын тоо этектеринде климаттык нормадан көп, Чүйдүн дыйканчылык аймактарында, Ош, Жалал-Абаддын өрөөндөрүндө, Чаткал, Алай, Суусамыр өрөөндөрүндө нормага жакын, Талас, Баткенде нормадан аз болушу күтүлөт.
Июльдагы жаан-чачындын орточо көлөмү
© Фото / пресс-служба Кыргызгидромет
Чүй облусу
Абанын айлык орточо температурасы климаттык норманын чегинде туруп 23…25 градус, Кемин өрөөнүндө жана тоо этектериндеги райондордо 16…18 градус жылуу болот. Ай ичинде абанын температурасы түнкүсүн +12…+17ден 20…25 градуска чейин жылуу болот. Күндүз 23…28 градустан 33…38 градуска чейин ысыйт.
Жаан-чачындын айлык көлөмү нормага жакын болору айтылды.
Талас облусу
Абанын айлык орточо температурасы климаттык норманын чегинде болуп 21…23 градуска жетиши ыктымал.
Ай ичинде абанын температурасы түнкүсүн +7…+12ден 15…20 градуска чейин жылуу болот. Күндүз 22…27 градустан 31…36 градуска чейин ысышы күтүлүүдө.
Жаан-чачындын айлык көлөмү нормадан аз болушу мүмкүн.
Ош облусу
Абанын айлык орточо температурасы климаттык норманын чегинде болуп 24…26 градус, тоо этектериндеги райондордо 20…22 градус жылуу болушу күтүлөт. Ай ичинде абанын температурасы түнкүсүн +12…+17ден 19…24 градуска чейин, күндүз +25…+30тан 34…39 градуска чейин ысыйт.
Жаан-чачындын айлык көлөмү өрөөндөрдө климаттык нормага жакын, тоо этектериндеги райондордо нормадан көп болушу ыктымал.
Жалал-Абад облусу
Абанын айлык орточо температурасы климаттык норманын чегинде болуп 24…26 градус, тоо этектериндеги райондордо 20…22 градус жылуу болушу күтүлөт.
Ай ичинде абанын температурасы түнкүсүн +12…+17ден 19…24 градуска чейин жылуу, күндүз 25…30 градустан 34…39 градуска чейин ысышы күтүлүүдө.
Жаан-чачындын айлык көлөмү өрөөндөрдө климаттык нормага жакын, тоо этектериндеги райондордо нормадан көп болушу мүмкүн.
Баткен облусу
Абанын айлык орточо температурасы климаттык норманын чегинде болуп 24…26 градус, тоо этектериндеги райондордо 20…22 градуска жетиши күтүлөт.
Ай ичинде абанын температурасы түнкүсүн 12…17 градустан 19…24 градуска чейин, күндүз +25…+30тан 34…39 градуска чейин ысык болушу божомолдонду.
Жаан-чачындын айлык көлөмү нормадан аз болушу күтүлөт.
Ысык-Көл облусу
Абанын айлык орточо температурасы климаттык норманын чегинде болуп 17…19 градус жылыйт.
Ай ичинде абанын температурасы түнкүсүн 5…10 градустан 13…18 градуска чейин, күндүз 16…21 градустан 26…31 градуска чейин ысыйт.
Жаан-чачындын айлык көлөмү нормадан арбын болору айтылды.
Нарын облусу
Абанын айлык орточо температурасы климаттык норманын чегинде болуп +17…+19 градуска жетет. Ай ичинде абанын температурасы түнкүсүн 3…8 градустан 10…15 градуска чейин, күндүз 15…20 градустан 26…31 градуска чейин ысык болушу ыктымал.
Жаан-чачындын айлык көлөмү нормадан арбын болушу күтүлүүдө.