Кечээ Бишкек шаарында өткөн Max Pro K1 (кикбокс) деп аталган эл аралык мелдеш өттү. Анда кыргыз спортчулары Казакстан, Өзбекстан жана Россиядан келген спортчулар менен күч сынашты. Жалпысынан спорт күйөрмандары 10 беттешке күбө болду. Кечени белгилүү ринг-анонсер Александр Загорский алып барды.
Спортто "Али" каймана атын алган Дастан Шаршеев бирма боксу боюнча Азия жана Евразия чемпиону, кикбокстун WBKF версиясы боюнча Азия чемпиону, ошондой эле бир катар эл аралык мелдештердин жеңүүчүсү. 29 жашта.
Шаршеев 2017-жылы Казань шаарында өткөн TNA турниринде россиялык мушкер Антон Калининге жеңилип калган. Бирок ал калыстар тобунун мындай чечимине макул болбой, рингден түшпөй койгон.
Кийинчерээк спортчу Калининди реванш-беттешүүгө чакырып утуп алган.
Ал эми атаандашы Алексей Додонов TNA уюмунун версиясы боюнча кикбокстан Европанын жана дүйнөнүн чемпиону болчу.