БИШКЕК, 22-дек. — Sputnik. Швед окумуштуулары ит, мышыгы бар үйдө чоңойгон балдар жүн жана чаңга болгон аллергияга туруктуу келерин аныкташты. Бул тууралуу Plos ONE журналы жазды.
Гетерборг университетинин профессорлору 7-8 жаштагы 1029 жана 8-9 жаштагы 249 баланын маалыматтарын анализдеп чыгышкан.
Үй жаныбарлары жок үй-бүлөдө чоңойгон балдардын 48-49 пайызы аллергиядан жабыркаган. Үйүндө бир эле жандык жашаган балдардын 35-43 пайызы аллергиядан жапа чеккен. Ал эми үйүндө беш үй жандыгы жашаган үй-бүлөлөрдөгү эки бала аллергия менен такыр ооруган эмес.
Мындан улам окумуштуулар кичинекей бала үй жаныбарлары менен кошо чоңойсо иммундук системасы бекемделет деген бүтүмгө келишкен.