БИШКЕК, 23-окт. — Sputnik. "Чалдыбар" көзөмөл өткөрүүчү жайынан чек арачылар Кызыл китепке кирген ителгини Кыргызстандан мыйзамсыз алып чыгып бара жаткан казак жаранын кармады. Бул тууралуу Мамлекеттик чек ара кызматынан кабарлашты.
"Өткөрүү пунктуна Mercedes-Benz үлгүсүндөгү унааны айдап 32 жаштагы казак жараны келген. Чек арачылар текшерүү маалында отургучтун алдына катылган кутудан ителги таап алышты. Жарандын кушту алып жүрүүгө уруксат берген докуметтери болгон эмес", — деп айтылат билдирүүдө.
Тиешелүү документтер толтурулгандан кийин кармалган адам КР ИИМинин аймактык бөлүмүнө өткөрүлүп берилди.