БИШКЕК, 15-окт. — Sputnik. Эгер Бишкек шаарында эки күн катары менен күн суук болсо, анда 17-октябрда калаа бийлигинин ыкчам жыйынында жылуулукту качан берүү керектигин чечет. Бул тууралуу Sputnik Кыргызстан агенттигине мэрдин кеңешчиси Гуля Алмамбетова билдирди.
Бүгүнкү күнү "Бишкекжылуулукэнерго" коммуналдык ишканасынын 65 казан меши жылуулук берүүгө даяр.
Белгилей кетсек, Кыргызгидрометтин берген маалыматына ылайык, күн 18-октябрга чейин суук болот.
Буга чейин маалымдалгандай эгер беш күн катары менен сырттагы абанын температурасы +8 градустан жогорулабай койсо, шаардыктардын үйлөрүнө жылуулук берилет.
Былтыр шаардыктарга жылуулук 17-октябрда берилген болчу.