БИШКЕК, 9-июл. — Sputnik. Ысык-Көлдө кулаган тик учактан кимдер жабыркаганын КР Куралдуу күчтөрүнүн башкы штабынын маалымат кызматы билдирди.
Аба күчтөрүнө таандык учак Түштүк Эңилчек аймагында куткаруу операциясы учурунда капталына ооп калган. Башкы штабдын маалыматы боюнча жабыркаган алты киши Бишкекке алып келинди. Жабыркагандарга жардам берүү үчүн Казакстандан дагы бир тик учак жөнөтүлгөн. Андан сырткары, Башкы штаб да бир тик учак жөнөткөн.
Жабыркагандардын арасында Япониянын, Польшанын жарандары бар. Андан сырткары, кыргызстандык котормочу жана үч аскер болгон.
Жаракат алгандардын абалы туруктуу.