БИШКЕК, 15-фев. — Sputnik. Кыргызгидромет март айындагы аба ырайына карата маалымат берди. Синоптиктер айдын аягында күн 22 градуска чейин жылый турганын айтышты.
Чүй, Талас аймактарында март ичинде абанын температурасы түнкүсүн суук 3…8, жылуулук күндүз 9…14 градустун тегерегинде болору болжолдонууда. Айдын аягында термометр түнкүсүн —1…-6 градусту, күндүз +15…+20ны көрсөтөт.
Ош, Жалал-Абад жана Баткен облустарынын дыйканчылык аймактарында ай ичинде абанын температурасы түнкүсүн 3…8 градус суукка чейин, күндүз 11…16 градус жылуулукка чейин өзгөрүлүп турушу күтүлөт. Айдын аягында абанын температурасы жогорулап, түнкүсүн 2…7, күндүз 17…22 градус жылуу болушу күтүлөт.
Нарында ай ичинде абанын температурасы түнкүсүн 3…8 градус сууктан 10…15, ал эми Ат-Башы районунда түнкүсүн 15…20 градус суук болушу күтүлүүдө. Кочкор районунда ай ичинде абанын температурасы түнкүсүн 1…6 градус сууктан 7…12 градус суукка чейин, күндүз 3…8 градус сууктан 10…15 градус жылуулукка чейин өзгөрүлүп турушу күтүлөт.
Алай өрөөнүндө абанын температурасы түнкүсүн 11…16 градустан 18…23 градуска чейин муздайт.
Суусамырда түнкүсүн 13…18 градустан 20…25 градус суукка чейин жетет.
Өзгөчө кырдаалдар министрлиги 14-февралдан 18-февралга чейин өлкөдө туруксуз аба ырайы болорун эскертип, шашылыш билдирүү таратты.