14:31 07 Бештин айы 2021
Түз эфир
  • USD84.7942
  • EUR95.7496
  • RUB1.1510
Россия
Кыскача шилтеме алуу
Афган бийлиги менен талибдердин тиреши (284)
342 0 0

Россиянын Афганистандагы элчиси талибдер үчүн терактынын кайталанышы керек эместигин айтып, алар ИГИЛ* кыймылы менен катуу күрөшө турганын кошумчалаган.

БИШКЕК, 29-авг. — Sputnik. "Ислам мамлекети"* (ИМ) террордук кыймылы Кабулдун аэропортунда теракт жасоо менен АКШга эмес, талибдерге чакырык таштады. Эки кыймылдын ортосунда күрөш жүрүп жатат. Бул тууралуу Россиянын Афганистандагы элчиси Дмитрий Жирнов билдиргенин РИА Новости жазды.

"Күрөш элдешкис. Эгер аэропортто чындап эле "Ислам мамлекетинин" мүчөсү болсо, анда ал чакырыкты АКШга эмес, талибдерге таштады. Анткени талибдер Афганистан үчүн жоопкерчиликти мойнуна алышкан", — деди элчи.

Жирнов талибдер Россияда тыюу салынган ИМ кыймылына каршы катаал чара көрөрүн айтып, аларга терактынын кайталанышы керек эмес деп белгилеген. Азыркы тапта Малайзиянын эки согушкер жараны кармалганы кошумчаланды.

Эске салсак, 26-августта Афганистандын борбору Кабул шаарынын аба майданында эки жарылуу болгон. Анын бири чет элдиктер (АКШ жана Улуу Британия жарандары) чогулган Baron отелинин жанында жаңырган. Жан кечти террорчу бул ишти жасагандан кийин эле мина коюлган автоунаа да жарылган.

Афганистандын Саламаттык сактоо министрлигинин билдиргенине караганда, 100дөй адам өлүп, 150гө чукул киши жарадар болгон.

Тема:
Афган бийлиги менен талибдердин тиреши (284)

Тема боюнча

Байден Кабулдагы жардыруудан соң "Ислам мамлекетине" чабуул даярдоону буюрду
"Ислам мамлекетинин" башчылары жөнөткөн. УКМК 27 жаштагы кишини кармады
Белгилер:
Афганистан, "Талибан" кыймылы, "Ислам мамлекети" террордук тобу, күрөш, кармаш

ЭҢ МААНИЛҮҮ