01:12 23 Бирдин айы 2020
Түз эфир
  • USD69.8500
  • EUR75.5323
  • RUB1.0863

Жээнбаева: "Коопсуз шаар" долбоорунун экинчи этабы Ысык-Көлдөн башталат

Радио
Кыскача шилтеме алуу
7510

Мамлекеттик технологиялар жана байланыш комитетинин "Коопсуз шаар" долбоорунун координатору Элнура Жээнбаева аталган долбоордун экинчи этабы 2020-жылдын 8-октябрына чейин ишке кирерин айтты.

"Коопсуз шаар" долбоорунун экинчи этабы Ысык-Көлгө туристтер көп келгендигине байланыштуу алгач Бишкек — Нарын — Торугарт жолуна көзөмөл камераларын орнотуу менен башталат. Бул тууралуу Элнура Жээнбаева Sputnik Кыргызстан радиосуна маек куруп жатып билдирди.

Анын айтымында, аталган долбоордун экинчи баскычынын алкагында өлкө боюнча 306 аппараттык-программалык комплекс орнотулат.

"Коопсуз шаар" долбоорунун экинчи этабын ишке ашыруу боюнча 2019-жылдын 8-октябрында келишимге кол коюлган. Ага ылайык, подрядчы компания өлкө боюнча 306 аппараттык-программалык комплексти келишим кабыл алынган күндөн тарта 12 ай же тактап айтканда, 2020-жылдын 8-октябрына чейин орнотуп бериши керек. План боюнча мобилдик аппараттык-программалык комплекстер эмдиги жылдын май айынан тарта иштей баштайт. Ошондой эле Ысык-Көлгө туристтер көп келгендигине байланыштуу алгачкы көзөмөл камералары Бишкек — Нарын — Торугарт жолуна орнотулат. Алар келерки жылдын туристтик сезону башталганга чейин ишке кириши керек", — деди Жээнбаева.

Ошондой эле ал ""Коопсуз шаар" долбоорунун биринчи этабы иштеп баштаганы Бишкек шаары жана Чүй облусу боюнча жол кырсыктарынын саны 40 пайызга азайганын кошумчалады.

Тема боюнча

Жээнбаева: транзиттик номер менен жүргөн унаалар каттоого алынат
Белгилер:
Ысык-Көл облусу, Коопсуз шаар

ЭҢ МААНИЛҮҮ