17:31 17 Теке 2019
Түз эфир
  • USD69.6312
  • EUR78.0775
  • RUB1.1062
Nomad коомдук спорт бирикмесинин маркетологу Айгерим Моношбекова
© Sputnik / Асель Акматалиева

Моношбекова: 8-июнда Бишкекте түнкү марафон өтөт

Радио
Кыскача шилтеме алуу
76 0 0

Nomad коомдук спорт бирикмесинин маркетологу Айгерим Моношбекова Кыргызстанда бул иш-чара быйыл экинчи жолу өтүп жатканын айтты.

8-июнь күнү саат 20:30да Түштүк магистраль менен Чыңгыз Айтматов проспектисинин кесилишинде Toyboss Night Run жарышы өтөт. Бул тууралуу Айгерим Моношбекова Sputnik Кыргызстан радиосунун таңкы эфиринде маек куруп жатып билдирди.

Анын айтымында, иш-чаранын максаты — спорт аркылуу шаардыктарды бириктирүү жана элди активдүү жашоого үндөө.

"Түнкү жарыш — бул дүйнө жүзүндөгү чуркоо мелдешинин эң белгилүү форматы. Чет өлкөлөрдө абдан кеңири жайылган. Кыргызстанда да мындай иш-чараны өткөрүп көрөлү деп былтыр уюштурганбыз. Жалпы 900 адам келип, жарышка катышкан. Элдин кызыгуусу күч экенин байкап, бул жылы да өткөрүп жатабыз. Бул иш-чара күн баткандан кийин башталат. 16 жаштан кем эмес курактагы бардык каалоочулар кызыктуу шоу-программа менен байгелердин ойнотулушуна күбө болот. 5, 10 жана 21 чакырымдык аралыкты тандоо мүмкүнчүлүгү бар. Финишке жеткен күлүктөр медаль менен сыйланат. Баасы бир киши үчүн 1300 сом, ал эми команда үчүн 7000 сомду түзөт", — деди Моношбекова.

Ал жарыштын байге фондусу 192 миң сом экенин кошумчалады.

Эске салсак, Sputnik Кыргызстан маалымат агенттиги жана радиосу — түнкү жарыштын эл аралык медиаөнөктөшү.

Белгилер:
чуркоо, жарыш, Спорт

ЭҢ МААНИЛҮҮ