Министрлик: Кыргызстанда акы төлөп жүрүүчү үч жол ачуу каралып жатат

© Sputnik / Максим Блинов / Медиабанкка өтүүПлатная дорога в объезд города Одинцово в Московской области
Платная дорога в объезд города Одинцово в Московской области - Sputnik Кыргызстан
Жазылуу
Акы төлөнүүчү жолдор күнүнө миңдеген унаалар өткөн трассалардагы кыймылды азайтууга жардам берет.

БИШКЕК, 15-сен. — Sputnik. Кыргызстанда акы төлөп жүрүүчү үч трасса ачуу пландалып жатат. Бул тууралуу Sputnik Кыргызстан агенттигине транспорт жана жолдор министри Жамшитбек Калилов билдирди. 

Транспорт жана жолдор министри Жамшитбек Калилов. Архив - Sputnik Кыргызстан
Радио
Калилов: Бишкек — Кара-Балта жолу 2021-жылы толук пайдаланууга берилет
Анын айтымында, учурда өлкө боюнча бир дагы акы төлөп жүрүүчү жол жок. Ушул тапта аталган жолдорду курууга мамлекеттик-жеке өнөктөштүк үчүн инвесторлор изделип жатат. 

Министр мурда айта кеткендей, адегенде акы төлөнүүчү кылып 90 чакырымга созулган Бишкек — Кара-Балта — Чалдовар (Казакстан менен чектешкен аймак) жолун ишке киргизсе болот. План боюнча ал башка жолдор менен кесилишпей, азыркы Бишкек — Кара-Балта тарссасынын “жүгүн” азайтат. 

"Экинчиси Өзгөн шаарын айланма жол. Анын узундугу 22 чакырым. Бишкек— Ош жолу шаарды аралап өткөндүктөн, бул жолго дагы күч келтирбейли деп жатабыз. Эки долбоор боюнча тең курулуштун жана жолдо жүрүүнүн акысы азырынча белгисиз”, — деди министр.

Ал кошумчалагандай, келечекте түндүк-түштүк альтернативдүү трассаны дагы акы төлөп жүрүүчү кылып коюу каралууда. Бирок бул үчүн өкмөт менен Жогорку Кеңештин макулдугу керек.

Жаңылыктар түрмөгү
0