БИШКЕК, 2-ноя. — Sputnik. Жогорку Кеӊеш 7-8-ноябрь күндөрүн "Тарых жана ата-бабаларды эскерүү күнү" катары белгилөө жөнүндө токтом кабыл алды. Бул тууралуу парламенттин маалымат кызматы билдирди.
Бул документ аркылуу майрам күндөрүнө байланыштуу мурда кабыл алынган бир катар токтомдор жокко чыгарылат.
Эске салсак, өткөн жумада президенттин "Тарых жана ата-бабаларды эскерүү күнүн белгилөө жөнүндөгү" жарлыгы жарыяланып, Жогорку Кеӊешке тиешелүү өзгөртүүлөрдү киргизүү сунушу берилген.
Белгилей кетсек, токтомго ылайык бир жумада беш күн иштеген кыргызстандыктар 4-5-6-7-ноябрда эс алышат.
