БИШКЕК, 11-дек. — Sputnik. Эртең Кыргызстандын көпчүлүк аймактарында жаан-чачын ал эми тоолуу райондордо кар жаашы күтүлөт. Бул тууралуу Кыргызгидромет билдирди.
Маалыматка ылайык, 12-декабрда Бишкек шаарында жаан-чачын күтүлбөйт. Түнкүсүн жана эртең менен туман түшүшү ыктымал. Жолдор тайгак болуп, батыштан соккон шамалдын ылдамдыгы секундасына 2-7 метрди түзөт.
"Чүй, Талас, Жалал-Абад жана Баткен облустарынын айрым жерлеринде жаан карга айланышы ыктымал. Ал эми тоолуу райондордо кар жаашы күтүлөт. Калган аймактарда жаан-чачын күтүлбөйт", — деп айтылат маалыматта.
Ал эми Ошто түнкүсүн алты градус суук болсо күндүзү жети градус жылуу болот. Ысык-Көлдө түнкүсүн сегиз градус суук, күндүзү беш градус жылуу. Нарында түнкүсүн 16, күндүз беш градус суук болот.
