https://sputnik.kg/20261113/175-zhyl-ilgeri-rossiyada-temir-zhol-payda-bolgon-1104883944.html
175 жыл илгери Россияда темир жол пайда болгон. Тарыхый видео
175 жыл илгери Россияда темир жол пайда болгон. Тарыхый видео
Sputnik Кыргызстан
Россияда мурда Санкт-Петербург менен Москванын ортосу 21 саат 45 мүнөттүк жол болсо, бүгүнкү күндө 4 саатта жетип аласың. 13.11.2026, Sputnik Кыргызстан
2026-11-13T20:12+0600
2026-11-13T20:12+0600
2026-11-13T20:12+0600
россия империясы
темир жол
санкт-петербург
москва
тарых
курулуш
видео
https://sputnik.kg/img/07ea/0b/0d/1104885223_0:309:1085:919_1920x0_80_0_0_baa2cd8585a9af416546f38224a3cf1d.jpg
Бүгүн окурмандарга Россиянын темир жолу кантип түптөлгөнүн баяндап бермекчибиз. ...1851-жылдын 13-ноябрында Санкт-Петербург – Москва эл ташыган темир жол каттамы расмий ачылган. Императордун эрки. Мындай темир жолду куруу идеясы алгач бул долбоор көп чыгым тарттырат деп эсептеген аткаминерлердин каршылыгына туш болгон. Бирок Николай I өжөрлүк кылган. "Биз жолдун узактыгынан кыйналып жатабыз. Петербург менен Москванын жакындашуусун мен мамлекет үчүн абдан маанилүү иш деп билем", — деген ал чечкиндүү. Ошентип бул ири курулуш башталган. Инженердик керемет. Сегиз жыл бою 800 миңден ашык жумушчу кол менен саздактарды кургатышкан, көпүрөлөрдү салган. Алардын эмгеги баа жеткис эле. Ошондо алдыңкы, прогрессивдүү чечимдер киргизилген. Ал мезгилдеги америкалык колея (1524 мм, кийин бүт Россия үчүн стандартка айланган) киргизилип, эки борбордогу бекеттердин өзгөчө архитектуралык ансамбли пайда болгон. Аларды Константин Тон долбоорлогон. Бул дүйнөлүк тажрыйбаны изилдеп чыккандан кийинки инженердик батыл эсептөөлөр жана анын майнаптуу жыйынтыгы эле. Ошентип 1851-жылдын 13-ноябрында бир паровоздон, эки жумшак, үч катуу вагондон жана жүк вагонунан турган поезд биринчи каттамын жасайт. Санкт-Петербургдан чыккан от араба 192 жүргүнчүнү 21 саат 45 мүнөттө Москвага жеткирген. Андан бери 175 жылга чукул убакыт өттү. Бүгүнкү күндө ылдам жүргөн "Сапсан" поезди бул жолду төрт саатта басып өтөт. Россия зыпылдаган поезддер үчүн темир жол куруп, жүргүнчүлөрдү 2 саат 15 мүнөттө жеткирүүнү көздөп турат. Долбоор 2028-жылы ишке кирмекчи.
россия империясы
санкт-петербург
москва
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
россия империясы, темир жол, санкт-петербург, москва, тарых, курулуш, видео, видео
россия империясы, темир жол, санкт-петербург, москва, тарых, курулуш, видео, видео
175 жыл илгери Россияда темир жол пайда болгон. Тарыхый видео
Россияда мурда Санкт-Петербург менен Москванын ортосу 21 саат 45 мүнөттүк жол болсо, бүгүнкү күндө 4 саатта жетип аласың.
Бүгүн окурмандарга Россиянын темир жолу кантип түптөлгөнүн баяндап бермекчибиз.
...1851-жылдын 13-ноябрында Санкт-Петербург – Москва эл ташыган темир жол каттамы расмий ачылган.
Императордун эрки. Мындай темир жолду куруу идеясы алгач бул долбоор көп чыгым тарттырат деп эсептеген аткаминерлердин каршылыгына туш болгон. Бирок Николай I өжөрлүк кылган.
"Биз жолдун узактыгынан кыйналып жатабыз. Петербург менен Москванын жакындашуусун мен мамлекет үчүн абдан маанилүү иш деп билем", — деген ал чечкиндүү.
Ошентип бул ири курулуш башталган.
Инженердик керемет. Сегиз жыл бою 800 миңден ашык жумушчу кол менен саздактарды кургатышкан, көпүрөлөрдү салган. Алардын эмгеги баа жеткис эле. Ошондо алдыңкы, прогрессивдүү чечимдер киргизилген. Ал мезгилдеги америкалык колея (1524 мм, кийин бүт Россия үчүн стандартка айланган) киргизилип, эки борбордогу бекеттердин өзгөчө архитектуралык ансамбли пайда болгон. Аларды Константин Тон долбоорлогон. Бул дүйнөлүк тажрыйбаны изилдеп чыккандан кийинки инженердик батыл эсептөөлөр жана анын майнаптуу жыйынтыгы эле.
Ошентип 1851-жылдын 13-ноябрында бир паровоздон, эки жумшак, үч катуу вагондон жана жүк вагонунан турган поезд биринчи каттамын жасайт. Санкт-Петербургдан чыккан от араба 192 жүргүнчүнү 21 саат 45 мүнөттө Москвага жеткирген.
Андан бери 175 жылга чукул убакыт өттү. Бүгүнкү күндө ылдам жүргөн "Сапсан" поезди бул жолду төрт саатта басып өтөт. Россия зыпылдаган поезддер үчүн темир жол куруп, жүргүнчүлөрдү 2 саат 15 мүнөттө жеткирүүнү көздөп турат. Долбоор 2028-жылы ишке кирмекчи.
