https://sputnik.kg/20261111/kyrgyzstan-zhamaattyk-koopsuzduktu-chy-doogo-umtulat-1104846265.html
Жапаров: Кыргызстан жамааттык коопсуздукту чыңдоого умтулат
Жапаров: Кыргызстан жамааттык коопсуздукту чыңдоого умтулат
Sputnik Кыргызстан
Президент Кыргызстан 2027-жылы ЖККУнун биргелешкен иш-чараларын өткөрүүгө даяр экендигин ырастады. 11.11.2026, Sputnik Кыргызстан
2026-11-11T21:14+0600
2026-11-11T21:14+0600
2026-11-11T21:14+0600
жкку
россия
кыргызстан
садыр жапаров
афганстан
кызматташуу
террорчулук
коопсуздук
алака
https://sputnik.kg/img/07ea/0b/0b/1104846041_0:72:1280:793_1920x0_80_0_0_ea2a154cf59ba104d905fa4153523ded.jpg
БИШКЕК, 11-ноя. — Sputnik. Президент Садыр Жапаров Москвада ЖККУнун Жамааттык коопсуздук кеңешинин жыйынында Кыргызстандын жамааттык коопсуздукту чыңдоого жана аталган мүчө мамлекеттердин ортосундагы өз ара иш алып барууну мындан ары өнүктүрүүгө умтулаарын баса белгиледи. Бул туурасында "Ынтымак Ордодон" кабарлашты. Мамлекет башчысы Россиянын ЖККУга төрагалык кылган мезгилде аткарган олуттуу иштерине токтолду. Президент кыргыз аскер кызматчыларынын үстүбүздөгү жылы Казакстан, Россия, Беларусь жана Тажикстанда өткөрүлгөн биргелешкен аскердик машыгууларга жигердүү катышкандыгына токтолду. Буга август айында Кыргызстан өз аймагында Балыкчы шаарындагы "Эдельвейс" окуу-машыгуу борборунун базасында "Борбор" биргелешкен аскердик машыгууларды кошту. Жапаров мындай иш-чаралардын жамааттык күчтөрдүн күжүрмөн даярдыгын жана өз ара шайкеш иш алып барышын жогорулатуу үчүн маанилүүлүгүн белгилеп, Кыргызстан 2027-жылы ЖККУнун биргелешкен иш-чараларын өткөрүүгө даяр экендигин ырастады. Мамлекет башчысы эл аралык террорчулук, экстремизм, баңгизаттардын мыйзамсыз жүгүртүлүшүнө жана трансулуттук кылмыштуулукка каршы аракеттенүү маселелерине өзгөчө көңүл бурду. Жапаров Афганстандагы кырдаалга өзүнчө токтолуп, чек ара аралык коркунучтарга каршы аракеттенүү боюнча макулдашылган күч-аракеттерди көрүүнүн зарылдыгын белгиледи. Ошондой эле өлкөнүн экономикалык жактан калыбына келишине көмөк көрсөтүүнүн жана гуманитардык маселелерди чечүүнүн зарылдыгын айтты. Мамлекет башчысы ошондой эле Кыргызстан 2027-2028-жылдары БУУнун Коопсуздук Кеңешине мүчө болоруна токтолуп, аймактык коопсуздук, чыр-чатактардын алдын алуу жана превентивдүү дипломатия маселелери боюнча ЖККУдагы өнөктөштөр менен конструктивдүү өз ара иштешүүгө даяр экендигин ырастады. Жыйындын жыйынтыгы боюнча президенттер ЖККУнун алкагында кызматташтыкты мындан ары өнүктүрүүгө жана жамааттык коопсуздукту чыңдоого багытталган 18 документке кол койгону маалымдалды.
https://sputnik.kg/20261111/zhkku-kuchtorun-zamanbap-kural-menen-zhabduu-yraattuu-zhuruudo-1104845245.html
афганстан
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жкку, россия, кыргызстан, садыр жапаров, афганстан, кызматташуу, террорчулук, коопсуздук, алака
жкку, россия, кыргызстан, садыр жапаров, афганстан, кызматташуу, террорчулук, коопсуздук, алака
Жапаров: Кыргызстан жамааттык коопсуздукту чыңдоого умтулат
Президент Кыргызстан 2027-жылы ЖККУнун биргелешкен иш-чараларын өткөрүүгө даяр экендигин ырастады.
БИШКЕК, 11-ноя. — Sputnik. Президент Садыр Жапаров Москвада ЖККУнун Жамааттык коопсуздук кеңешинин жыйынында Кыргызстандын жамааттык коопсуздукту чыңдоого жана аталган мүчө мамлекеттердин ортосундагы өз ара иш алып барууну мындан ары өнүктүрүүгө умтулаарын баса белгиледи. Бул туурасында "Ынтымак Ордодон" кабарлашты.
Мамлекет башчысы Россиянын ЖККУга төрагалык кылган мезгилде аткарган олуттуу иштерине токтолду.
Президент кыргыз аскер кызматчыларынын үстүбүздөгү жылы Казакстан, Россия, Беларусь жана Тажикстанда өткөрүлгөн биргелешкен аскердик машыгууларга жигердүү катышкандыгына токтолду.
Буга август айында Кыргызстан өз аймагында Балыкчы шаарындагы "Эдельвейс" окуу-машыгуу борборунун базасында "Борбор" биргелешкен аскердик машыгууларды кошту.
Жапаров мындай иш-чаралардын жамааттык күчтөрдүн күжүрмөн даярдыгын жана өз ара шайкеш иш алып барышын жогорулатуу үчүн маанилүүлүгүн белгилеп, Кыргызстан 2027-жылы ЖККУнун биргелешкен иш-чараларын өткөрүүгө даяр экендигин ырастады.
Мамлекет башчысы эл аралык террорчулук, экстремизм, баңгизаттардын мыйзамсыз жүгүртүлүшүнө жана трансулуттук кылмыштуулукка каршы аракеттенүү маселелерине өзгөчө көңүл бурду.
Жапаров Афганстандагы кырдаалга өзүнчө токтолуп, чек ара аралык коркунучтарга каршы аракеттенүү боюнча макулдашылган күч-аракеттерди көрүүнүн зарылдыгын белгиледи. Ошондой эле өлкөнүн экономикалык жактан калыбына келишине көмөк көрсөтүүнүн жана гуманитардык маселелерди чечүүнүн зарылдыгын айтты.
Мамлекет башчысы ошондой эле Кыргызстан 2027-2028-жылдары БУУнун Коопсуздук Кеңешине мүчө болоруна токтолуп, аймактык коопсуздук, чыр-чатактардын алдын алуу жана превентивдүү дипломатия маселелери боюнча ЖККУдагы өнөктөштөр менен конструктивдүү өз ара иштешүүгө даяр экендигин ырастады.
Жыйындын жыйынтыгы боюнча президенттер ЖККУнун алкагында кызматташтыкты мындан ары өнүктүрүүгө жана жамааттык коопсуздукту чыңдоого багытталган 18 документке кол койгону маалымдалды.
