https://sputnik.kg/20261106/evrobirimdik-migranttar-kurs-byudjet-esep-palatasy-1104747022.html
Европада мигранттарды интеграциялоо долбоорлору кыйла кыскарат
Европада мигранттарды интеграциялоо долбоорлору кыйла кыскарат
Sputnik Кыргызстан
БИШКЕК, 6-ноя. — Sputnik. Евробиримдик бюджетти көбөйткөнүн жарыялаганы менен 2029-жылга чейин мигранттарды коомго интеграциялоо программаларына катышкандардын... 06.11.2026, Sputnik Кыргызстан
2026-11-06T12:59+0600
2026-11-06T12:59+0600
2026-11-06T12:59+0600
дүйнөдө
европа биримдиги
эсептөө палатасы
миграция
https://sputnik.kg/img/07ea/09/03/1103425410_0:0:3262:1834_1920x0_80_0_0_e58a0d22e8e935a3e3867cc584d49e27.jpg
БИШКЕК, 6-ноя. — Sputnik. Евробиримдик бюджетти көбөйткөнүн жарыялаганы менен 2029-жылга чейин мигранттарды коомго интеграциялоо программаларына катышкандардын санын төрт эсе кыскартат. Бул тууралуу Европа эсептөө палатасынын докладында айтылганын РИА Новости жазды. Буга чейин Россиянын президенти Владимир Путин Европа өлкөлөрүнүн мигранттарды жана алардын балдарын коомго аралаштырууга каражаты жетпей жатканын билдирген. РФ лидери бул көйгөйдү чечүү үчүн мигранттарга билим берип, аларды жергиликтүү каада-салт жана үрп-адат менен тааныштыруу зарылдыгын белгилеген. РИА Новости талдаган маалыматтарга ылайык, ЕБдин AMIF фонду (Баш паанек, миграция жана интеграция фонду) аркылуу интеграция багытына бөлүнгөн каражат эки эсе өскөн: 2014-2020-жылдары 911 миллион евро болсо, 2021-2027-жылдарга 1,96 миллиард евро каралган. Бирок уюштуруу органдарынын эсеби боюнча, AMIF фондунун программаларына тартыла турган адамдардын саны 2022-жылдын аягындагы 9,7 миллион кишиден 2029-жылга барып 2,5 миллионго чейин кыскарат (болжол менен 75%га азаят). Башкача айтканда, каржылоо көбөйүп, программалардын наркы кымбаттаганы менен алар кыйла аз сандагы адамдарга гана жетет. Евростаттын эсебинде 2025-жылдын 1-январына карата Евробиримдикте ЕБ курамына кирбеген өлкөлөрдүн 30,6 миллиондой жараны жашайт. Демек, аталган фонддун иш-чаралары үчүнчү өлкөлөрдөн келген калктын болгону 8 пайызын гана камтый алат. AMIF фонду негизинен тил курстарын, билим берүү иш-чараларын, кеңеш берүү, кесипке багыттоо жана чет элдиктерди жергиликтүү чөйрөгө аралаштыруу боюнча башка долбоорлорду каржылайт. Буга чейин европалык басылмалар мындай программаларды каржылоо жер-жерлерде кыйынчылыкка учурап жатканын жазып чыгышкан. Маселен, Германияда бюджеттин жетишсиздигинен улам немец тилин, мыйзамдарын, тарыхын жана маданиятын үйрөтүүчү курстар чектелген. Ал эми Бельгиянын De Standaard гезити маалымдагандай, Фландрия аймагынын жергиликтүү интеграциялык программаларга бөлгөн каражаты 2025-жылдагы 16,8 миллион евродон 2026-жылы 4,9 миллион еврого чейин кыскарган. Муниципалитеттер бул акчаны тил сабактарын уюштурууга жана мигранттарга жумуш же окуу табууга көмөктөшүүгө жумшап келишкен.
https://sputnik.kg/20261005/politico-eb-fond-200-milliard-evro-migratsiya-1104097324.html
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, европа биримдиги, эсептөө палатасы, миграция
дүйнөдө, европа биримдиги, эсептөө палатасы, миграция
БИШКЕК, 6-ноя. — Sputnik. Евробиримдик бюджетти көбөйткөнүн жарыялаганы менен 2029-жылга чейин мигранттарды коомго интеграциялоо программаларына катышкандардын санын төрт эсе кыскартат. Бул тууралуу Европа эсептөө палатасынын докладында айтылганын
РИА Новости жазды.
Буга чейин Россиянын президенти Владимир Путин Европа өлкөлөрүнүн мигранттарды жана алардын балдарын коомго аралаштырууга каражаты жетпей жатканын билдирген. РФ лидери бул көйгөйдү чечүү үчүн мигранттарга билим берип, аларды жергиликтүү каада-салт жана үрп-адат менен тааныштыруу зарылдыгын белгилеген.
РИА Новости талдаган маалыматтарга ылайык, ЕБдин AMIF фонду (Баш паанек, миграция жана интеграция фонду) аркылуу интеграция багытына бөлүнгөн каражат эки эсе өскөн: 2014-2020-жылдары 911 миллион евро болсо, 2021-2027-жылдарга 1,96 миллиард евро каралган.
Бирок уюштуруу органдарынын эсеби боюнча, AMIF фондунун программаларына тартыла турган адамдардын саны 2022-жылдын аягындагы 9,7 миллион кишиден 2029-жылга барып 2,5 миллионго чейин кыскарат (болжол менен 75%га азаят). Башкача айтканда, каржылоо көбөйүп, программалардын наркы кымбаттаганы менен алар кыйла аз сандагы адамдарга гана жетет.
Евростаттын эсебинде 2025-жылдын 1-январына карата Евробиримдикте ЕБ курамына кирбеген өлкөлөрдүн 30,6 миллиондой жараны жашайт. Демек, аталган фонддун иш-чаралары үчүнчү өлкөлөрдөн келген калктын болгону 8 пайызын гана камтый алат.
AMIF фонду негизинен тил курстарын, билим берүү иш-чараларын, кеңеш берүү, кесипке багыттоо жана чет элдиктерди жергиликтүү чөйрөгө аралаштыруу боюнча башка долбоорлорду каржылайт.
Буга чейин европалык басылмалар мындай программаларды каржылоо жер-жерлерде кыйынчылыкка учурап жатканын жазып чыгышкан. Маселен, Германияда бюджеттин жетишсиздигинен улам немец тилин, мыйзамдарын, тарыхын жана маданиятын үйрөтүүчү курстар чектелген. Ал эми Бельгиянын De Standaard гезити маалымдагандай, Фландрия аймагынын жергиликтүү интеграциялык программаларга бөлгөн каражаты 2025-жылдагы 16,8 миллион евродон 2026-жылы 4,9 миллион еврого чейин кыскарган. Муниципалитеттер бул акчаны тил сабактарын уюштурууга жана мигранттарга жумуш же окуу табууга көмөктөшүүгө жумшап келишкен.
