https://sputnik.kg/20261027/mamataliyev-yapon-kompaniyalary-menen-suyloshtu--1104545694.html
Япон компаниялары Кыргызстандан сурьма менен кремнийди сатып алууга кызыкдар
Япон компаниялары Кыргызстандан сурьма менен кремнийди сатып алууга кызыкдар
Sputnik Кыргызстан
БИШКЕК, 27-окт. — Sputnik. Япон компаниялары Кыргызстанда өндүрүлгөн сурьма менен кремнийди сатып алууга кызыкдар экенин билдиришти. Бул тууралуу Жогорку... 27.10.2026, Sputnik Кыргызстан
2026-10-27T16:29+0600
2026-10-27T16:29+0600
2026-10-27T16:29+0600
кыргызстан
япония
еаэб
кызматташуу
төрага
марлен маматалиев
https://sputnik.kg/img/07e7/0b/11/1080505914_0:125:2048:1277_1920x0_80_0_0_dd2a0e1e826c7dd0ab7e66c9657d2b09.jpg
БИШКЕК, 27-окт. — Sputnik. Япон компаниялары Кыргызстанда өндүрүлгөн сурьма менен кремнийди сатып алууга кызыкдар экенин билдиришти. Бул тууралуу Жогорку Кеңештин төрагасы Марлен Маматалиевдин Япониядагы ири компаниялардын өкүлдөрү менен жолугушуусунда белгилүү болгонун маалымат кызматы кабарлады. Жолугушууда тоо-кен тармагындагы кызматташтыкты кеңейтүү, JKII компаниясы менен меморандумга кол коюуну тездетүү жана энергетика, логистика, IT тармактарында биргелешкен долбоорлорду ишке ашыруу маселелери талкууланды. Мындан тышкары, Кыргызстанда Toyota компаниясынын расмий борборун ачуу жана Кытай – Кыргызстан – Өзбекстан темир жолунун мүмкүнчүлүктөрүн пайдаланып логистикалык борборлорду курууга жапон инвесторлорун тартуу сунушталды. Маматалиев кыргыз-япон бизнес-форумунун алкагында энергетика, билим берүү, саламаттык сактоо, туризм жана санариптештирүү боюнча 20дан ашык документке кол коюлганын белгилеп, аларды конкреттүү долбоорлорго айландыруу зарылдыгын айтты. Төрага чет өлкөлүк инвесторлор үчүн ачык жана туруктуу шарттар түзүлүп, жергиликтүү ишкерлер менен бирдей мүмкүнчүлүктөр жана салыктык жеңилдиктер берилерин белгиледи. Ошондой эле Кыргызстандын ЕАЭБге мүчөлүгү жана Борбор Азиядагы ыңгайлуу географиялык жайгашуусу ири рынокторго чыгууга шарт түзөрүн айтып, япон ишкерлерин өлкөгө инвестиция салууга жана өндүрүш ишканаларын ачууга чакырды. Өз кезегинде япон ишкерлери Кыргызстандын инвестициялык мүмкүнчүлүктөрүнө кызыгуусун билдирип, эки өлкөнүн ишкердик байланыштарын кеңейтүү маселелерин талкуулашты.
https://sputnik.kg/20240807/krgy-tooken-tarmagy-1087659322.html
япония
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, япония, еаэб, кызматташуу, төрага, марлен маматалиев
кыргызстан, япония, еаэб, кызматташуу, төрага, марлен маматалиев
БИШКЕК, 27-окт. — Sputnik. Япон компаниялары Кыргызстанда өндүрүлгөн сурьма менен кремнийди сатып алууга кызыкдар экенин билдиришти. Бул тууралуу Жогорку Кеңештин төрагасы Марлен Маматалиевдин Япониядагы ири компаниялардын өкүлдөрү менен жолугушуусунда белгилүү болгонун маалымат кызматы кабарлады.
Жолугушууда тоо-кен тармагындагы кызматташтыкты кеңейтүү, JKII компаниясы менен меморандумга кол коюуну тездетүү жана энергетика, логистика, IT тармактарында биргелешкен долбоорлорду ишке ашыруу маселелери талкууланды.
Мындан тышкары, Кыргызстанда Toyota компаниясынын расмий борборун ачуу жана Кытай – Кыргызстан – Өзбекстан темир жолунун мүмкүнчүлүктөрүн пайдаланып логистикалык борборлорду курууга жапон инвесторлорун тартуу сунушталды. Маматалиев кыргыз-япон бизнес-форумунун алкагында энергетика, билим берүү, саламаттык сактоо, туризм жана санариптештирүү боюнча 20дан ашык документке кол коюлганын белгилеп, аларды конкреттүү долбоорлорго айландыруу зарылдыгын айтты.
Төрага чет өлкөлүк инвесторлор үчүн ачык жана туруктуу шарттар түзүлүп, жергиликтүү ишкерлер менен бирдей мүмкүнчүлүктөр жана салыктык жеңилдиктер берилерин белгиледи. Ошондой эле Кыргызстандын ЕАЭБге мүчөлүгү жана Борбор Азиядагы ыңгайлуу географиялык жайгашуусу ири рынокторго чыгууга шарт түзөрүн айтып, япон ишкерлерин өлкөгө инвестиция салууга жана өндүрүш ишканаларын ачууга чакырды.
Өз кезегинде япон ишкерлери Кыргызстандын инвестициялык мүмкүнчүлүктөрүнө кызыгуусун билдирип, эки өлкөнүн ишкердик байланыштарын кеңейтүү маселелерин талкуулашты.
