https://sputnik.kg/20261026/vuchich-parlamenttik-shajloodo-zhenildi-1104524058.html
Вучич Сербиядагы парламенттик шайлоодо коалициясынын жеңилгенин моюндады
Вучич Сербиядагы парламенттик шайлоодо коалициясынын жеңилгенин моюндады
Sputnik Кыргызстан
БИШКЕК, 26-окт. — Sputnik. Сербиянын мурдагы президенти Александр Вучич коалициясы парламенттик шайлоодо жеңилип калганын билдирди. Бул тууралуу РИА Новости... 26.10.2026, Sputnik Кыргызстан
2026-10-26T14:07+0600
2026-10-26T14:07+0600
2026-10-26T14:11+0600
дүйнөдө
сербия
александр вучич
парламент
шайлоо
https://sputnik.kg/img/07e9/02/0a/1091960732_0:59:3072:1786_1920x0_80_0_0_da7483c4e4e7fd0c8702dedad182a0c1.jpg
БИШКЕК, 26-окт. — Sputnik. Сербиянын мурдагы президенти Александр Вучич коалициясы парламенттик шайлоодо жеңилип калганын билдирди. Бул тууралуу РИА Новости жазды. Вучич жеңилгенин моюнга алып, атаандаштарына тоскоолдук жаратпасын айтты. Ошол эле учурда экс-президент оппозициянын жеңишинин артында АКШнын көмүскө бийлиги менен ЕБ өлкөлөрүнүн күчтөрү турганын кошумчалады. Ошондой эле ал Сербиянын жаңы бийлиги март-апрель айларында Россияга каршы санкцияларды киргизиши мүмкүн экенин билдирди. "Алар биз каалабаган нерселердин баарын жасашат", — деди экс-президент. Вучич жеңилгенин айткандан кийин оппоненттери Белграддын борборуна чыгып "шаңдуу" майрамдашты. Полицияны сүрүп чыгарып, каршылаштарынын чатырларын талкалап, өрттөп жиберишкен. Андан кийин парламенттин алдына чогулуп желек желбиретип, фейерверк атышканы айтылат. Жекшемби күнү Сербияда парламент депутаттарын мөөнөтүнөн мурда шайлоо өттү. Анда 250 орун үчүн 19 саясий күч ат салышты. Негизги кармаш Вучич жетектеген "Бириккен Сербия" коалициясы менен "Студенттердин нааразычылык тизмеси" оппозициячылар тобунун ортосунда болду. Бул шайлоого каптышкандардын саны рекорддук көрсөткүчкө жетти. Ал эми парламенттин мөөнөтүнөн мурда тарашына 2024-жылы вокзал урап 16 адам каза тапкандан кийин башталган студенттик нааразычылыктар себеп болгон. Сентябрда парламент таратылып, Вучич премьер-министрликке талапкерлигин көрсөткөн. Буга чейин ал президенттик кызматынан өз ыктыяры менен кеткен.
https://sputnik.kg/20261023/yeb-mitingder-1104468472.html
сербия
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, сербия, александр вучич, парламент, шайлоо
дүйнөдө, сербия, александр вучич, парламент, шайлоо
Вучич Сербиядагы парламенттик шайлоодо коалициясынын жеңилгенин моюндады
14:07 26.10.2026 (Жаңыртылды: 14:11 26.10.2026) БИШКЕК, 26-окт. — Sputnik. Сербиянын мурдагы президенти Александр Вучич коалициясы парламенттик шайлоодо жеңилип калганын билдирди. Бул тууралуу
РИА Новости жазды.
"Бул шайлоодо жеңилгенибиз айдан ачык, бизди "Студенттердин нааразычылык тизмеси" тобу жеңди. Аларга 135-140 мандат берилет, бизде 105тин тегерегинде болот, калгандар парламентке өткөн жок", — деди ал.
Вучич жеңилгенин моюнга алып, атаандаштарына тоскоолдук жаратпасын айтты. Ошол эле учурда экс-президент оппозициянын жеңишинин артында АКШнын көмүскө бийлиги менен ЕБ өлкөлөрүнүн күчтөрү турганын кошумчалады.
Ошондой эле ал Сербиянын жаңы бийлиги март-апрель айларында Россияга каршы санкцияларды киргизиши мүмкүн экенин билдирди.
"Алар биз каалабаган нерселердин баарын жасашат", — деди экс-президент.
Вучич жеңилгенин айткандан кийин оппоненттери Белграддын борборуна чыгып "шаңдуу" майрамдашты. Полицияны сүрүп чыгарып, каршылаштарынын чатырларын талкалап, өрттөп жиберишкен. Андан кийин парламенттин алдына чогулуп желек желбиретип, фейерверк атышканы айтылат.
Жекшемби күнү Сербияда парламент депутаттарын мөөнөтүнөн мурда шайлоо өттү. Анда 250 орун үчүн 19 саясий күч ат салышты. Негизги кармаш Вучич жетектеген "Бириккен Сербия" коалициясы менен "Студенттердин нааразычылык тизмеси" оппозициячылар тобунун ортосунда болду.
Бул шайлоого каптышкандардын саны рекорддук көрсөткүчкө жетти. Ал эми парламенттин мөөнөтүнөн мурда тарашына 2024-жылы вокзал урап 16 адам каза тапкандан кийин башталган студенттик нааразычылыктар себеп болгон.
Сентябрда парламент таратылып, Вучич премьер-министрликке талапкерлигин көрсөткөн. Буга чейин ал президенттик кызматынан өз ыктыяры менен кеткен.
