https://sputnik.kg/20261022/prezident-el-menen-zholugushtu--1104445274.html
Президент Манас шаарында жана Сузак районунда эл менен жолугушту
Президент Манас шаарында жана Сузак районунда эл менен жолугушту
Sputnik Кыргызстан
БИШКЕК, 22-окт. — Sputnik. Жалал-Абад облусунда 2021–2026-жылдары мектептер, бала бакчалар, спорттук жана медициналык мекемелер курулуп, жол инфраструктурасы... 22.10.2026, Sputnik Кыргызстан
2026-10-22T13:37+0600
2026-10-22T13:37+0600
2026-10-22T13:37+0600
кыргызстан
жалал-абад
садыр жапаров
жолугушуу
мектеп
бала бакча
https://sputnik.kg/img/07ea/0a/16/1104445452_20:0:2539:1417_1920x0_80_0_0_f2757c391ae8cb4bcb41552cfdae10ba.jpg
БИШКЕК, 22-окт. — Sputnik. Жалал-Абад облусунда 2021–2026-жылдары мектептер, бала бакчалар, спорттук жана медициналык мекемелер курулуп, жол инфраструктурасы жаңыланды. Бул тууралуу президент Садыр Жапаров бүгүн Манас шаарынын жана Сузак районунун тургундары менен жолугушууда билдирди. Маалыматка ылайык, Манас шаарында ушул мезгил аралыгында жаңы автобекет, спорт залы жана "Достук" паркындагы "Даңк" аллеясы ачылган. Быйыл тогуз айда 45 чакырым жол асфальтталып, 9,8 чакырым тротуар курулган жана 8 чакырым аралыкка көчө жарыктары орнотулган. Шаарда № 5, № 16 жана № 21 мектептер, ошондой эле "Акылман" президенттик лицейи пайдаланууга берилген. Учурда 2 400 окуучуга ылайыкталган беш мектептин жана 250 орундуу эки бала бакчанын курулушу уланууда. Мындан тышкары, үч мектепте капиталдык оңдоо иштери жүрүп жатат. Ошондой эле Түштүк аймактык жүрөк-кан тамыр хирургиясы илимий борбору, Жалал-Абад облустук клиникалык ооруканасы, 5 200 орундуу көп функционалдуу спорт сарайы жана тарых музейи курулууда. Шаардагы 5,4 гектар аянтты ээлеген "Жеңиш" паркы реконструкцияланып, "Манас парк" деген аталыш менен кайра ачылган. Долбоорго 525 миллион сом жеке инвестиция тартылган. Турак жай курулушунда да иштер уланууда. "Асман-Резиденс-7" комплексиндеги 1 140 батир жана "Асман-Резиденс-8" комплексиндеги 600 батир пайдаланууга берилген. "Асман-Резиденс-1, 2, 3" комплекстеринде дагы 1 224 батир бүткөрүлгөн. Учурда жалпы 5 320 батирге ылайыкталган алты турак жай комплексинин курулушу жүрүп жатат. Өнөр жай тармагында Т. Тайгараев аймактык башкармалыгында 220 миллион сом инвестициянын эсебинен металл конструкцияларын чыгаруучу завод курулган. Ошондой эле "Тойбос" компаниясынын 175 миллион сомдук жеке инвестициясы тартылган заводунун курулушу уланууда. 2027-жылга жана андан кийинки мезгилге Аюб-Тоо аймагында эс алуу зонасын жана этнокомплекс түзүү, "Манас сити" турак жай шаарчасын жана Шор-Булакта курорттук комплекс куруу пландалууда. Мындан тышкары, 30 заманбап автобус сатып алуу, муниципалдык күнөскана комплексин куруу жана көчөлөрдү жарыктандыруу системасын жаңылоо каралган. Ал эми Сузак районунда 2021–2026-жылдары жалпы 60 социалдык жана инфраструктуралык объект пайдаланууга берилген. Алардын арасында 25 мектеп жана 12 бала бакча бар. Өнөр жай тармагына 880 миллион сом инвестиция тартылып, 70 жумуш орду түзүлгөн гипсокартон чыгаруучу завод жана 225 миллион сомдук мунайды кайра иштетүүчү ишкана ишке киргизилген. Экинчи ишканада 30 жумуш орду түзүлгөн. Булардан сырткары, райондо "Асман-Резиденс-4, 5, 6" ипотекалык турак жай комплекстери пайдаланууга берилген. Аймактагы ири инфраструктуралык долбоорлордун катарында Кытай – Кыргызстан – Өзбекстан темир жолунун жана "Жалал-Абад" эл аралык аэропортунун курулушу уланууда.
https://sputnik.kg/20261021/manas-shaary-ekonomikalyk-borbor-bolot-1104426987.html
жалал-абад
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, жалал-абад, садыр жапаров, жолугушуу, мектеп, бала бакча
кыргызстан, жалал-абад, садыр жапаров, жолугушуу, мектеп, бала бакча
БИШКЕК, 22-окт. — Sputnik. Жалал-Абад облусунда 2021–2026-жылдары мектептер, бала бакчалар, спорттук жана медициналык мекемелер курулуп, жол инфраструктурасы жаңыланды. Бул тууралуу президент Садыр Жапаров бүгүн Манас шаарынын жана Сузак районунун тургундары менен жолугушууда билдирди.
Маалыматка ылайык, Манас шаарында ушул мезгил аралыгында жаңы автобекет, спорт залы жана "Достук" паркындагы "Даңк" аллеясы ачылган. Быйыл тогуз айда 45 чакырым жол асфальтталып, 9,8 чакырым тротуар курулган жана 8 чакырым аралыкка көчө жарыктары орнотулган.
Шаарда № 5, № 16 жана № 21 мектептер, ошондой эле "Акылман" президенттик лицейи пайдаланууга берилген. Учурда 2 400 окуучуга ылайыкталган беш мектептин жана 250 орундуу эки бала бакчанын курулушу уланууда. Мындан тышкары, үч мектепте капиталдык оңдоо иштери жүрүп жатат.
Ошондой эле Түштүк аймактык жүрөк-кан тамыр хирургиясы илимий борбору, Жалал-Абад облустук клиникалык ооруканасы, 5 200 орундуу көп функционалдуу спорт сарайы жана тарых музейи курулууда.
Шаардагы 5,4 гектар аянтты ээлеген "Жеңиш" паркы реконструкцияланып, "Манас парк" деген аталыш менен кайра ачылган. Долбоорго 525 миллион сом жеке инвестиция тартылган.
Турак жай курулушунда да иштер уланууда. "Асман-Резиденс-7" комплексиндеги 1 140 батир жана "Асман-Резиденс-8" комплексиндеги 600 батир пайдаланууга берилген. "Асман-Резиденс-1, 2, 3" комплекстеринде дагы 1 224 батир бүткөрүлгөн. Учурда жалпы 5 320 батирге ылайыкталган алты турак жай комплексинин курулушу жүрүп жатат.
Өнөр жай тармагында Т. Тайгараев аймактык башкармалыгында 220 миллион сом инвестициянын эсебинен металл конструкцияларын чыгаруучу завод курулган. Ошондой эле "Тойбос" компаниясынын 175 миллион сомдук жеке инвестициясы тартылган заводунун курулушу уланууда.
2027-жылга жана андан кийинки мезгилге Аюб-Тоо аймагында эс алуу зонасын жана этнокомплекс түзүү, "Манас сити" турак жай шаарчасын жана Шор-Булакта курорттук комплекс куруу пландалууда. Мындан тышкары, 30 заманбап автобус сатып алуу, муниципалдык күнөскана комплексин куруу жана көчөлөрдү жарыктандыруу системасын жаңылоо каралган.
Ал эми Сузак районунда 2021–2026-жылдары жалпы 60 социалдык жана инфраструктуралык объект пайдаланууга берилген. Алардын арасында 25 мектеп жана 12 бала бакча бар.
Өнөр жай тармагына 880 миллион сом инвестиция тартылып, 70 жумуш орду түзүлгөн гипсокартон чыгаруучу завод жана 225 миллион сомдук мунайды кайра иштетүүчү ишкана ишке киргизилген. Экинчи ишканада 30 жумуш орду түзүлгөн.
Булардан сырткары, райондо "Асман-Резиденс-4, 5, 6" ипотекалык турак жай комплекстери пайдаланууга берилген.
Аймактагы ири инфраструктуралык долбоорлордун катарында Кытай – Кыргызстан – Өзбекстан темир жолунун жана "Жалал-Абад" эл аралык аэропортунун курулушу уланууда.
