https://sputnik.kg/20261022/evropa-putin-menen-suyloshuu-jurguzuu-politico-1104439150.html
Politico: Европада Россия менен диалог жүргүзө турган өкүлдү издеп жатышат
Politico: Европада Россия менен диалог жүргүзө турган өкүлдү издеп жатышат
Sputnik Кыргызстан
БИШКЕК, 22-окт. — Sputnik. Европа мамлекеттери Украинадагы жаңжалды жөнгө салуу боюнча Россиянын президенти Владимир Путин менен түз сүйлөшүүлөрдү жүргүзө... 22.10.2026, Sputnik Кыргызстан
2026-10-22T09:31+0600
2026-10-22T09:31+0600
2026-10-22T09:31+0600
дүйнөдө
украина
россия
европа
европа биримдиги
сүйлөшүү
владимир путин
антониу кошта
https://sputnik.kg/img/07e9/0c/08/1098411632_0:172:3071:1899_1920x0_80_0_0_5d5b1598fb136a078cf5f60d9ea219fd.jpg
БИШКЕК, 22-окт. — Sputnik. Европа мамлекеттери Украинадагы жаңжалды жөнгө салуу боюнча Россиянын президенти Владимир Путин менен түз сүйлөшүүлөрдү жүргүзө турган өкүлдүн талапкерлигин талкуулап жатышат. Бул тууралуу Politico басылмасы Евробиримдиктин атын атагысы келбеген дипломаттарына таянуу менен жазды.Басылманын маалыматына караганда, бирикменин ичинде ылайыктуу талапкер боюнча азырынча бирдиктүү пикир жок. Бирок бул маселе АКШ президенти Дональд Трамптын атайын чабарманы Стив Уиткоффтун Санкт-Петербургга болгон сапарынан кийин өзгөчө курчуду.Мүмкүн болгон варианттардын бири катары Финляндиянын президенти Александр Стубб каралууда. Буга Хельсинки менен Москванын ортосундагы дипломатиялык алаканын тарыхый тажрыйбасы жана анын америкалык лидер менен жакшы мамиледе экени негиз болгон.Мындан тышкары, Европа кеңешинин президенти Антониу Коштанын да талапкерлиги каралып жатат. Басылмага сүйлөгөндөрдүн биринин пикиринде, ал Еврокомиссиянын башчысы Урсула фон дер Ляйенге караганда бирикмеге кирген өлкөлөрдүн кызыкчылыктарын алда канча натыйжалуу коргой алат.Европалык анонимдүү дипломат тандала турган талапкер биримдиктеги негизги өлкөлөрдүн гана эмес, бүтүндөй Евробиримдиктин позициясын коргой алышы керектигин кошумчалаган.Ал эми Владимир Путин буга чейин сүйлөшүүлөрдө ортомчу катары Германиянын экс-канцлери Герхард Шредерди артыкчылыктуу талапкер деп атаган эле. Ошол эле учурда ал европалыктар өздөрү ишенген жана Москванын дарегине кескин билдирүүлөрдү жасабаган лидерди өз алдынча тандашы керектигин баса белгилеген.
https://sputnik.kg/20261021/putin-menen-uitkoff-peterburgda-emne-tuuraluu-suyolshtu-1104436866.html
украина
европа
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, украина, россия, европа, европа биримдиги, сүйлөшүү, владимир путин, антониу кошта
дүйнөдө, украина, россия, европа, европа биримдиги, сүйлөшүү, владимир путин, антониу кошта
БИШКЕК, 22-окт. — Sputnik. Европа мамлекеттери Украинадагы жаңжалды жөнгө салуу боюнча Россиянын президенти Владимир Путин менен түз сүйлөшүүлөрдү жүргүзө турган өкүлдүн талапкерлигин талкуулап жатышат. Бул тууралуу Politico басылмасы Евробиримдиктин атын атагысы келбеген дипломаттарына таянуу менен жазды.
“Европа өлкөлөрүнүн өкмөттөрү тынчтык келишими боюнча түз сүйлөшүүлөрдүн алкагында жакын арада Россиянын лидери Владимир Путин менен жолуга турган адамды тандоого туура келерин түшүнө башташты”, — деп айтылат макалада.
Басылманын маалыматына караганда, бирикменин ичинде ылайыктуу талапкер боюнча азырынча бирдиктүү пикир жок. Бирок бул маселе АКШ президенти Дональд Трамптын атайын чабарманы Стив Уиткоффтун Санкт-Петербургга болгон сапарынан кийин өзгөчө курчуду.
Мүмкүн болгон варианттардын бири катары Финляндиянын президенти Александр Стубб каралууда. Буга Хельсинки менен Москванын ортосундагы дипломатиялык алаканын тарыхый тажрыйбасы жана анын америкалык лидер менен жакшы мамиледе экени негиз болгон.
Мындан тышкары, Европа кеңешинин президенти Антониу Коштанын да талапкерлиги каралып жатат. Басылмага сүйлөгөндөрдүн биринин пикиринде, ал Еврокомиссиянын башчысы Урсула фон дер Ляйенге караганда бирикмеге кирген өлкөлөрдүн кызыкчылыктарын алда канча натыйжалуу коргой алат.
Европалык анонимдүү дипломат тандала турган талапкер биримдиктеги негизги өлкөлөрдүн гана эмес, бүтүндөй Евробиримдиктин позициясын коргой алышы керектигин кошумчалаган.
Ал эми Владимир Путин буга чейин сүйлөшүүлөрдө ортомчу катары Германиянын экс-канцлери Герхард Шредерди артыкчылыктуу талапкер деп атаган эле. Ошол эле учурда ал европалыктар өздөрү ишенген жана Москванын дарегине кескин билдирүүлөрдү жасабаган лидерди өз алдынча тандашы керектигин баса белгилеген.
