Садыр Жапаров: "Бишкек аренадай" ондогон стадион салып, миңдеген спутник учурабыз
Садыр Жапаров: "Бишкек аренадай" ондогон стадион салып, миңдеген спутник учурабыз
Sputnik Кыргызстан
БИШКЕК, 5-окт. — Sputnik. Тынчтык, биримдик, ынтымак болуп турса, ондогон стадион салып, миңдеген спутник учурабыз. Бул тууралуу президент Садыр Жапаров... 05.10.2026, Sputnik Кыргызстан
БИШКЕК, 5-окт. — Sputnik. Тынчтык, биримдик, ынтымак болуп турса, ондогон стадион салып, миңдеген спутник учурабыз. Бул тууралуу президент Садыр Жапаров "Бишкек арена" стадионунун расмий ачылышында билдирди. Ал өз командасынын алты жылдык ишинин жыйынтыгын чыгарып, аренанын ордуна заводдорду курууну сунуштагандарга жооп берди. Мамлекет башчысынын айтымында, алты жыл ичинде Кыргызстанда мектептер, бала бакчалар, ооруканалар, маданият мекемелери жана башка имараттарды кошкондо 1075 объект курулган. Мындан тышкары, 521 завод-фабрика ачылган. Президент өлкө экономикасы 2021-жылдан бери туруктуу өсүп келе жатканын белгилеп, буга криминал менен коррупцияга каршы күрөш өбөлгө болуп жатканын айтты. Мамлекет башчы 2027-жылы 111 мектеп жана райондук ооруканаларда 44 жаңы бөлүм куруу көздөлүп жатканын, ал эми 2028-жылдан тарта мектептерге жана башка социалдык объектилерге байланыштуу көйгөй калбай турганын айтты. "Эң негизгиси — тынчтык, биримдик, ынтымак болуп турса, экономикабыз мындан ары дагы өсө берет, бизди эч ким сындыра албайт. Мындай стадиондун дагы онун салабыз. Миңдеген спутник учурабыз. Завод-фабрикаларды жана социалдык объектилерди — мектептерди, бала бакчаларды курабыз", — деди өлкө башчысы.
БИШКЕК, 5-окт. — Sputnik. Тынчтык, биримдик, ынтымак болуп турса, ондогон стадион салып, миңдеген спутник учурабыз. Бул тууралуу президент Садыр Жапаров "Бишкек арена" стадионунун расмий ачылышында билдирди.
Ал өз командасынын алты жылдык ишинин жыйынтыгын чыгарып, аренанын ордуна заводдорду курууну сунуштагандарга жооп берди. Мамлекет башчысынын айтымында, алты жыл ичинде Кыргызстанда мектептер, бала бакчалар, ооруканалар, маданият мекемелери жана башка имараттарды кошкондо 1075 объект курулган. Мындан тышкары, 521 завод-фабрика ачылган.
Президент өлкө экономикасы 2021-жылдан бери туруктуу өсүп келе жатканын белгилеп, буга криминал менен коррупцияга каршы күрөш өбөлгө болуп жатканын айтты.
"Муну эмне үчүн айтып жатам? Чет өлкөлүк массалык маалымат каражаттары "2022-жылы Россия менен Украинанын ортосунда согуш болуп кеткенине байланыштуу Кыргызстандын экономикасы экспорттун эсебинен өсүп жатат" деп жатышпайбы. Жок, андай эмес, туугандар. 2021-жылдын аягын карагыла, көрсөткүч ошондон бери түшпөй келе жатат", — деди ал.
Мамлекет башчы 2027-жылы 111 мектеп жана райондук ооруканаларда 44 жаңы бөлүм куруу көздөлүп жатканын, ал эми 2028-жылдан тарта мектептерге жана башка социалдык объектилерге байланыштуу көйгөй калбай турганын айтты.
"Эң негизгиси — тынчтык, биримдик, ынтымак болуп турса, экономикабыз мындан ары дагы өсө берет, бизди эч ким сындыра албайт. Мындай стадиондун дагы онун салабыз. Миңдеген спутник учурабыз. Завод-фабрикаларды жана социалдык объектилерди — мектептерди, бала бакчаларды курабыз", — деди өлкө башчысы.
![Борбор Азиядагы эң ири стадион болгон "Бишкек арена" расмий ачылды - Sputnik Кыргызстан](https://sputnik.kg/img/07ea/0a/05/1104104992_0:240:2560:1680_600x0_80_0_0_a5f7da506998da71de423d9d96a20888.jpg "Борбор Азиядагы эң ири стадион болгон "Бишкек арена" расмий ачылды")
