Путин: согушту Россия баштаган жок, тескерисинче, Россия менен согуша башташты
22:15 01.10.2026 (Жаңыртылды: 10:19 02.10.2026)
© Sputnik / Кристина Соловьёва
/ Жазылуу
БИШКЕК, 1-окт. — Sputnik. Согушту Россия баштаган жок, тескерисинче, Россия менен согуша башташты. Бул тууралуу Россия президенти Владимир Путин "Валдай" эл аралык талкуу клубунун XXIII жылдык жыйынынын пленардык сессиясында айтты.
РФ лидеринин айтымында, Россия ачык агрессияга жооп иретинде өзүн курал менен коргоого аргасыз болгон.
Мамлекет башчысы дагы төмөнкүлөрдү айтты:
Мамлекет башчысы дагы төмөнкүлөрдү айтты:
Россияны Украинадагы жаңжалга атайылап түртүштү. Русофобияны жана орустарды кысымга алууну мамлекеттик идеологияга айландырбаш керек болчу, Россияны стратегиялык жактан жеңүүнү максат кылбаш керек эле;
дүйнөдө жаңы эл аралык жаңжалдардын тутанышы толук мүмкүн;
кесепеттүү сценарийлерге жол бербөө керек. Адамзаттын жашап кетүүсүнө коркунуч жарала турган чекке жеткирбей турган чараларды көрүү зарыл;
Батыш өлкөлөрү БУУда ашкере таасирге ээ. Бул уюмдагы тең салмактуулукту бузуп жатат. Россия БУУну адилеттүү реформалоону колдойт, бирок бул үчүн бардык тараптардын макулдугу керек. Азыр мындай консенсуска жетүү кыйын;
дүйнө жасалма интеллектини колдонуп жашоону дагы үйрөнүшү керек. Эксперттердин айтымында, ЖИнин кеңири жайылышы адамдардын жеке эркиндигин жана өз алдынчалыгын чектеген жаңы системага кептеши мүмкүн. “Мындай санариптик тоталитаризм мурдагы тоталитардык коомдор сыяктуу эле адамды чектеген, эркиндигин баскан жана келечеги жок система болуп калат” деп айтылууда;
дүйнөлүк саясатта мүмкүн болгон жана мүмкүн эмес деп эсептелген бардык тыюулар бузулуп жатат;
айрым өлкөлөрдө “ким күчтүү болсо, ошонуку туура” деген принцип негизги орунга чыгып баратат. Мындай мамиле жакшылыкка алып келбейт.
"Валдай" эл аралык форумуна 40 мамлекеттен 120га чукул эксперт келген. Катышып жаткан өлкөлөрдүн катарында Кытай, Индия, Иран, БАЭ, Сауд Арабиясы, Түркия, Бразилия, Европа мамлекеттери жана АКШ бар.
Талкуунун өзөгүн дүйнө тартибинин өзгөрүшү, аскердик-саясий абалдын чыңалышы, соода-экономикалык мамилени кайра куруу жана жаңы технологиялардын таасири сыяктуу маселелер түзөт. Мындан тышкары, глобалдашуунун келечеги, Чыгыш менен Батыштын алакасы жана саясий кризистин учурундагы экономикалардын туруктуулугу тууралуу сөз болот.
