https://sputnik.kg/20260829/zholok-pul-aluu-1103255299.html
"Үй-бүлөгө көмөк" жөлөк пулун алуу шарты 1-сентябрдан тартып кандай өзгөрөт
"Үй-бүлөгө көмөк" жөлөк пулун алуу шарты 1-сентябрдан тартып кандай өзгөрөт
Sputnik Кыргызстан
БИШКЕК, 28-авг. — Sputnik. 2026-жылдын 1-сентябрынан тартып Кыргызстанда "Үй-бүлөгө көмөк" жөлөк пулун алуу үчүн талаптар да өзгөрөт. Деген менен өлчөмү... 29.08.2026, Sputnik Кыргызстан
2026-08-29T20:17+0600
2026-08-29T20:17+0600
2026-08-29T20:17+0600
кыргызстан
коом
социалдык тармак
мамлекет
үй-бүлөгө көмөк
https://sputnik.kg/img/07e4/0a/1d/1050250845_0:161:3067:1886_1920x0_80_0_0_b8aa122df7d63634e13047bbf37ae868.jpg
БИШКЕК, 28-авг. — Sputnik. 2026-жылдын 1-сентябрынан тартып Кыргызстанда "Үй-бүлөгө көмөк" жөлөк пулун алуу үчүн талаптар да өзгөрөт. Деген менен өлчөмү мурдагыдай эле — ар бир балага 1 200 сом бойдон калат.Өзгөртүүлөр министрлер кабинетинин 2026-жылдын 10-апрелиндеги № 242 токтому менен бекитилип, документ 1-сентябрдан тартып күчүнө кирет.Эмне өзгөрөтКиреше чеги 1 500 сомго жогорулайтЖөлөк пулга укукту аныктоодо кепилденген минималдуу киреше колдонулат. Азыр ал бир адамга 1 000 сомду түзөт. 1-сентябрдан тартып бул көрсөткүч 1 500 сомго жогорулайт.Мисалы, беш адамдан турган үй-бүлөнүн эсепке алынган бир айлык кирешеси 7 000 сом болсо, ар бир адамга 1 400 сомдон туура келет. Учурда мындай үй-бүлө киреше талабына жооп бербейт. Ал эми 1-сентябрдан кийин жөлөк пул алууга талапкер боло алат.Бирок киреше жалгыз критерий эмес. Жөлөк пул дайындоодо үй-бүлөнүн турак жайы, транспорту, жери, малы жана башка мүлкү да эске алынат.Автоунаага байланыштуу талап кандай өзгөрөтАзыр үй-бүлөдө пайдалануу мөөнөтү 20 жылдан аз жарактуу жеңил автоунаа болсо жөлөк пул берилбейт.1-сентябрдан тартып бул чек 15 жылга түшөт. Жобонун жаңы редакциясында автоунаанын заводдон чыгарылган жылы да пайдалануу мөөнөтүнө кошулары көрсөтүлгөн.Демек, пайдалануу мөөнөтү 15 жылдан 19 жылга чейинки автоунаа жөлөк пул алууга тоскоол болбойт.Башка транспортко байланыштуу чектөөлөр сакталат. Үй-бүлөдө төмөнкү жарактуу техника болсо жөлөк пул берилбейт:Турак жай ээлери үчүн эмне өзгөрөтЭгер үй-бүлөнүн менчигинде турак жай түрүндөгү эки же андан көп кыймылсыз мүлк объекти болсо, "Үй-бүлөгө көмөк" жөлөк пулу берилбейт.Бир турак жайга ээ болуу жөлөк пул алуу укугунан ажыратпайт. Бирок үй-бүлө башка талаптарга да жооп бериши керек.Токтомдо кыймылсыз мүлктүн бардык түрү эмес, дал ушул турак жайлар жөнүндө айтылган. Ар бир үй-бүлө боюнча чечим анын кирешеси жана мүлкү тууралуу маалыматтар текшерилгенден кийин кабыл алынат.Жерден алынган киреше кайра эсептелет1-сентябрдан тартып жер үлүштөрүнөн жана короо-жайдын жанындагы участоктордон алынган кирешенин жаңыртылган ченемдери колдонулат. Алар административдик-аймактык реформаны, айыл чарба продукциясынын баасын жана аны өндүрүүгө кеткен чыгымды эске алуу менен ар бир айыл жана айыл аймагы үчүн өзүнчө белгиленген.Ошондуктан аянты бирдей болгон жер участокторунан алынуучу киреше ар бир калктуу конушта ар башкача эсептелиши мүмкүн.Жөлөк пулдун өлчөмү көбөйбөйтКепилденген минималдуу кирешенин жогорулашы жөлөк пулдун өзү көбөйдү дегенди билдирбейт."Үй-бүлөгө көмөк" жөлөк пулунун өлчөмү мурдагыдай эле — 16 жашка чейинки ар бир балага айына 1 200 сом.Райондук коэффициент белгиленген калктуу конуштарда жөлөк пул ошол коэффициентти эске алуу менен төлөнөт. Бул тууралуу Эмгек, социалдык камсыздоо жана миграция министрлиги да билдирген.Кимдер жөлөк пулга талапкер боло алатЖаңы эреже боюнча, төмөнкү үй-бүлөлөрдүн жөлөк пул алуу мүмкүнчүлүгү кеңеет:Мындан тышкары, үй-бүлө программанын башка талаптарына да жооп бериши керек.Жөлөк пул дайындатуу үчүн социалдык камсыздоо боюнча ыйгарым укуктуу органдын аймактык бөлүмүнө кайрылуу зарыл. Мамлекеттик органдар керектүү маалыматтарды "Түндүк" электрондук тутуму аркылуу текшерет.
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, коом, социалдык тармак, мамлекет, үй-бүлөгө көмөк
кыргызстан, коом, социалдык тармак, мамлекет, үй-бүлөгө көмөк
БИШКЕК, 28-авг. — Sputnik. 2026-жылдын 1-сентябрынан тартып Кыргызстанда "Үй-бүлөгө көмөк" жөлөк пулун алуу үчүн талаптар да өзгөрөт. Деген менен өлчөмү мурдагыдай эле — ар бир балага 1 200 сом бойдон калат.
Өзгөртүүлөр
министрлер кабинетинин 2026-жылдын 10-апрелиндеги № 242 токтому менен бекитилип, документ 1-сентябрдан тартып күчүнө кирет.
Критерий | Азыр | 1-сентябрдан тартып |
Үй-бүлөнүн бир мүчөсүнө туура келген киреше | 1 000 сомдон төмөн | 1 500 сомдон төмөн |
Жарактуу жеңил автоунаа | пайдалануу мөөнөтү 20 жылдан аз болсо жөлөк пул берилбейт | пайдалануу мөөнөтү 15 жылдан аз болсо жөлөк пул берилбейт |
Менчиктеги турак жай | саны боюнча чектөө жок | эки же андан көп турак жайы бар үй-бүлөгө жөлөк пул берилбейт |
Жерден алынган киреше | учурдагы ченемдер колдонулат | айылдар жана айыл аймактары боюнча жаңыртылган ченемдер колдонулат |
Киреше чеги 1 500 сомго жогорулайт
Жөлөк пулга укукту аныктоодо кепилденген минималдуу киреше колдонулат. Азыр ал бир адамга 1 000 сомду түзөт. 1-сентябрдан тартып бул көрсөткүч 1 500 сомго жогорулайт.
Мисалы, беш адамдан турган үй-бүлөнүн эсепке алынган бир айлык кирешеси 7 000 сом болсо, ар бир адамга 1 400 сомдон туура келет. Учурда мындай үй-бүлө киреше талабына жооп бербейт. Ал эми 1-сентябрдан кийин жөлөк пул алууга талапкер боло алат.
Бирок киреше жалгыз критерий эмес. Жөлөк пул дайындоодо үй-бүлөнүн турак жайы, транспорту, жери, малы жана башка мүлкү да эске алынат.
Автоунаага байланыштуу талап кандай өзгөрөт
Азыр үй-бүлөдө пайдалануу мөөнөтү 20 жылдан аз жарактуу жеңил автоунаа болсо жөлөк пул берилбейт.
1-сентябрдан тартып бул чек 15 жылга түшөт.
Жобонун жаңы редакциясында автоунаанын заводдон чыгарылган жылы да пайдалануу мөөнөтүнө кошулары көрсөтүлгөн.
Демек, пайдалануу мөөнөтү 15 жылдан 19 жылга чейинки автоунаа жөлөк пул алууга тоскоол болбойт.
Башка транспортко байланыштуу чектөөлөр сакталат. Үй-бүлөдө төмөнкү жарактуу техника болсо жөлөк пул берилбейт:
Турак жай ээлери үчүн эмне өзгөрөт
Эгер үй-бүлөнүн менчигинде турак жай түрүндөгү эки же андан көп кыймылсыз мүлк объекти болсо, "Үй-бүлөгө көмөк" жөлөк пулу берилбейт.
Бир турак жайга ээ болуу жөлөк пул алуу укугунан ажыратпайт. Бирок үй-бүлө башка талаптарга да жооп бериши керек.
Токтомдо кыймылсыз мүлктүн бардык түрү эмес, дал ушул турак жайлар жөнүндө айтылган. Ар бир үй-бүлө боюнча чечим анын кирешеси жана мүлкү тууралуу маалыматтар текшерилгенден кийин кабыл алынат.
Жерден алынган киреше кайра эсептелет
1-сентябрдан тартып жер үлүштөрүнөн жана короо-жайдын жанындагы участоктордон алынган кирешенин жаңыртылган ченемдери колдонулат. Алар административдик-аймактык реформаны, айыл чарба продукциясынын баасын жана аны өндүрүүгө кеткен чыгымды эске алуу менен ар бир айыл жана айыл аймагы үчүн өзүнчө белгиленген.
Ошондуктан аянты бирдей болгон жер участокторунан алынуучу киреше ар бир калктуу конушта ар башкача эсептелиши мүмкүн.
Жөлөк пулдун өлчөмү көбөйбөйт
Кепилденген минималдуу кирешенин жогорулашы жөлөк пулдун өзү көбөйдү дегенди билдирбейт.
"Үй-бүлөгө көмөк" жөлөк пулунун өлчөмү мурдагыдай эле —
16 жашка чейинки ар бир балага айына 1 200 сом.
Райондук коэффициент белгиленген калктуу конуштарда жөлөк пул ошол коэффициентти эске алуу менен төлөнөт. Бул тууралуу
Эмгек, социалдык камсыздоо жана миграция министрлиги да билдирген.
Кимдер жөлөк пулга талапкер боло алат
Жаңы эреже боюнча, төмөнкү үй-бүлөлөрдүн жөлөк пул алуу мүмкүнчүлүгү кеңеет:
бир адамга туура келген кирешеси мурдагы чектен жогору, бирок 1 500 сомдон төмөн болсо;
пайдалануу мөөнөтү 15 жылдан кем эмес жеңил автоунаасы болсо;
менчигинде бир эле турак жайы болсо.
Мындан тышкары, үй-бүлө программанын башка талаптарына да жооп бериши керек.
Жөлөк пул дайындатуу үчүн социалдык камсыздоо боюнча ыйгарым укуктуу органдын аймактык бөлүмүнө кайрылуу зарыл. Мамлекеттик органдар керектүү маалыматтарды "Түндүк" электрондук тутуму аркылуу текшерет.
