https://sputnik.kg/20260827/korumdu-choku-alpinist-sook-tushuruldu-1103226412.html
Корумду чокусунан эки альпинисттин сөөгү түшүрүлүп, үчүнчүсүн издөө токтотулду
Корумду чокусунан эки альпинисттин сөөгү түшүрүлүп, үчүнчүсүн издөө токтотулду
Sputnik Кыргызстан
БИШКЕК, 27-авг. — Sputnik. Корумду чокусунда каза болгон эки альпинисттин сөөгү тоодон түшүрүлүп, үчүнчүсүн издөө иштери убактылуу токтотулду. Бул тууралуу... 27.08.2026, Sputnik Кыргызстан
2026-08-27T10:23+0600
2026-08-27T10:23+0600
2026-08-27T10:23+0600
кыргызстан
корумду чокусу
альпинист
сөөк
куткаруу
https://sputnik.kg/img/104246/84/1042468404_19:0:3482:1948_1920x0_80_0_0_365452dc894cd5c79552c29995cb706b.jpg
БИШКЕК, 27-авг. — Sputnik. Корумду чокусунда каза болгон эки альпинисттин сөөгү тоодон түшүрүлүп, үчүнчүсүн издөө иштери убактылуу токтотулду. Бул тууралуу ыктыярчылардын штабы билдирди. Маалыматка ылайык, куткаруучулар сөөктөрдү 25-августта тоодон түшүрүшкөн. Алар тик учак менен Сары-Ташка, андан ары милициянын коштоосунда Ош шаарындагы өлүкканага жеткирилген. Сөөктөрдү таануу процедурасы бүгүн, 27-августта, өтөт, ага маркумдардын жакындары барган. Ал эми топтун үчүнчү мүчөсүн издөө иштери дагы эки күн уланып, жыйынтык берген эмес. Куткаруучулар буюмдар кулаган траектория боюнча муз көчкүнү жана жаракаларды карап чыгышкан. Бирок жаракалар кайрадан түшкөн кар менен толуп калгандыктан сөөк бар болсо дагы аны табуу мүмкүн болгон эмес. Азырынча аймакта жана рюкзак табылган жерден үчүнчү альпинисттин изи аныктала элек. 26-августта куткаруучулар үчүн кооптуу жагдай жаралганына байланыштуу издөө иштери белгисиз мөөнөткө токтотулду. Буга тынымсыз таш кулап, кар көчкү түшүп жатканы себеп болгон. Бардык куткаруучулар тик учак менен Ошко чыгарылды. Издөө операциялары үчүн акча чогултуу дагы токтотулду. Жалпы чогулган 109 миң евро тик учактын акысын, бийиктикте иштеген куткаруучулардын кызматын жана техникалык чыгымдарды толук жабууга жетиштүү болгондуктан эсептик реквизиттер өчүрүлгөнү маалымдалды.
https://sputnik.kg/20260826/korumdu-alpinist-kaza-bolgon-zher-1103207098.html
корумду чокусу
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, корумду чокусу, альпинист, сөөк, куткаруу
кыргызстан, корумду чокусу, альпинист, сөөк, куткаруу
БИШКЕК, 27-авг. — Sputnik. Корумду чокусунда каза болгон эки альпинисттин сөөгү тоодон түшүрүлүп, үчүнчүсүн издөө иштери убактылуу токтотулду. Бул тууралуу ыктыярчылардын штабы билдирди.
Маалыматка ылайык, куткаруучулар сөөктөрдү 25-августта тоодон түшүрүшкөн. Алар тик учак менен Сары-Ташка, андан ары милициянын коштоосунда Ош шаарындагы өлүкканага жеткирилген. Сөөктөрдү таануу процедурасы бүгүн, 27-августта, өтөт, ага маркумдардын жакындары барган.
"Таануу процедурасы аяктаганга чейин маркумдардын аты-жөнү ачыкталбайт. Ага чейин жарыяланган бардык ысымдар, ким айтпасын, чындыкка дал келбейт", — деп айтылат маалыматта.
Ал эми топтун үчүнчү мүчөсүн издөө иштери дагы эки күн уланып, жыйынтык берген эмес. Куткаруучулар буюмдар кулаган траектория боюнча муз көчкүнү жана жаракаларды карап чыгышкан. Бирок жаракалар кайрадан түшкөн кар менен толуп калгандыктан сөөк бар болсо дагы аны табуу мүмкүн болгон эмес. Азырынча аймакта жана рюкзак табылган жерден үчүнчү альпинисттин изи аныктала элек.
26-августта куткаруучулар үчүн кооптуу жагдай жаралганына байланыштуу издөө иштери белгисиз мөөнөткө токтотулду. Буга тынымсыз таш кулап, кар көчкү түшүп жатканы себеп болгон. Бардык куткаруучулар тик учак менен Ошко чыгарылды.
Издөө операциялары үчүн акча чогултуу дагы токтотулду. Жалпы чогулган 109 миң евро тик учактын акысын, бийиктикте иштеген куткаруучулардын кызматын жана техникалык чыгымдарды толук жабууга жетиштүү болгондуктан эсептик реквизиттер өчүрүлгөнү маалымдалды.
