https://sputnik.kg/20260827/kashka-suu-too-lyzha-kurort-kurulat-1103233565.html
Кашка-Сууда жайы-кышы иштеген лыжа курорту курулат. Чоо-жайы
Кашка-Сууда жайы-кышы иштеген лыжа курорту курулат. Чоо-жайы
Sputnik Кыргызстан
БИШКЕК, 27-авг. — Sputnik. Чүй облусундагы Кашка-Суу айылында жыл бою иштей турган Baytik Mountain Resort тоо-туристтик комплексин куруу пландалууда. 27.08.2026, Sputnik Кыргызстан
2026-08-27T12:43+0600
2026-08-27T12:43+0600
2026-08-27T15:41+0600
кыргызстан
чүй облусу
кашка-суу
комплекс
тоо-лыжа базасы
асма жол
туризм
https://sputnik.kg/img/07ea/08/1b/1103233303_0:56:1080:664_1920x0_80_0_0_a708e79ff37950de36e5fcd5c54db7bb.jpg
БИШКЕК, 27-авг. — Sputnik. Чүй облусундагы Кашка-Суу айылында жыл бою иштей турган Baytik Mountain Resort тоо-туристтик комплексин куруу пландалууда. Бүгүн "КР Туризмди өнүктүрүүнү колдоо фонду" ААКы, Valmont Group ЖЧКсы жана президентке караштуу Улуттук инвестициялар агенттиги мамлекеттик-жеке өнөктөштүк жөнүндө келишимге кол коюшту. Долбоордун жалпы баасы 127,9 миллион долларды түзөт. Комплекстин аймагында тоо лыжасы жана туристтик инфраструктура, асма жолдор, жасалма кар системасы орнотулган трассалар, мейманканалар, ресторандар, SPA жана MICE борборлору, ошондой эле үй-бүлөлүк жана жигердүү эс алуучу жайлар курулат. Долбоорду каржылоо EPC+F моделинин алкагында стратегиялык өнөктөш China National Heavy Machinery Corporation компаниясынын каражатынын, "Элдик банк" ААКнын насыясынын, жеке өнөктөштүн өздүк каражатынын жана мыйзам тарабынан тыюу салынбаган башка булактардын эсебинен жүргүзүлөт. Долбоордо Smart Resort санариптик системасын, энергияны үнөмдөөчү чечимдерди, кайра жаралуучу энергия булактарын жана заманбап экологиялык технологияларды киргизүү каралган. Курулуш баскычында кеминде 1,5 миң, ал эми курорт ачылгандан кийин 800дөн кем эмес туруктуу жумуш орду түзүлөт. Мында кызматкерлердин 80 пайыздан ашыгы Кыргызстандын жарандары болушу шарт. Жеке өнөктөш долбоорлоо, каржылоо, куруу, жабдуу, ишке берүү жана андан аркы техникалык тейлөө милдеттенмелерин өзүнө алат. Инфраструктуранын биринчи этабы төрт-беш жылдын ичинде пайдаланууга берилет деп пландалууда.
https://sputnik.kg/20260806/kyrgyzstan-uluttuk-turisttik-brendin-ishtete-bashtajt-1102829718.html
чүй облусу
кашка-суу
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, чүй облусу, кашка-суу, комплекс, тоо-лыжа базасы, асма жол, туризм
кыргызстан, чүй облусу, кашка-суу, комплекс, тоо-лыжа базасы, асма жол, туризм
БИШКЕК, 27-авг. — Sputnik. Чүй облусундагы Кашка-Суу айылында жыл бою иштей турган Baytik Mountain Resort тоо-туристтик комплексин куруу пландалууда.
Бүгүн "КР Туризмди өнүктүрүүнү колдоо фонду" ААКы, Valmont Group ЖЧКсы жана президентке караштуу Улуттук инвестициялар агенттиги мамлекеттик-жеке өнөктөштүк жөнүндө келишимге кол коюшту.
Долбоордун жалпы баасы 127,9 миллион долларды түзөт. Комплекстин аймагында тоо лыжасы жана туристтик инфраструктура, асма жолдор, жасалма кар системасы орнотулган трассалар, мейманканалар, ресторандар, SPA жана MICE борборлору, ошондой эле үй-бүлөлүк жана жигердүү эс алуучу жайлар курулат.
Долбоорду каржылоо EPC+F моделинин алкагында стратегиялык өнөктөш China National Heavy Machinery Corporation компаниясынын каражатынын, "Элдик банк" ААКнын насыясынын, жеке өнөктөштүн өздүк каражатынын жана мыйзам тарабынан тыюу салынбаган башка булактардын эсебинен жүргүзүлөт.
"Baytik Mountain Resort комплекси туристтерди өзүнө тарткан, бардык мезгилде иштөөчү заманбап борборго айланып, аймактын өнүгүшүнө, жаңы жумуш орундарын түзүүгө жана инвестиция тартууга өбөлгө болот деп ишенебиз. Биз үчүн мындай ири долбоорлор заманбап технологияларды колдонуу менен ишке ашырылып, узак мөөнөттүү социалдык-экономикалык пайда алып келиши маанилүү", — деди Улуттук инвестициялар агенттигинин жетекчиси Равшанбек Сабиров.
Долбоордо Smart Resort санариптик системасын, энергияны үнөмдөөчү чечимдерди, кайра жаралуучу энергия булактарын жана заманбап экологиялык технологияларды киргизүү каралган.
Курулуш баскычында кеминде 1,5 миң, ал эми курорт ачылгандан кийин 800дөн кем эмес туруктуу жумуш орду түзүлөт. Мында кызматкерлердин 80 пайыздан ашыгы Кыргызстандын жарандары болушу шарт.
Жеке өнөктөш долбоорлоо, каржылоо, куруу, жабдуу, ишке берүү жана андан аркы техникалык тейлөө милдеттенмелерин өзүнө алат.
Инфраструктуранын биринчи этабы төрт-беш жылдын ичинде пайдаланууга берилет деп пландалууда.
