https://sputnik.kg/20260820/kytay-kr-zharandaryna-vizalyk-rezhimdi-zhenildetti-1103085094.html
Кыргызстандыктар Кытайга 10 күнгө, Хайнанга 30 күнгө визасыз кире алышат
Кыргызстандыктар Кытайга 10 күнгө, Хайнанга 30 күнгө визасыз кире алышат
Sputnik Кыргызстан
Хайнанга 30 күнгө визасыз кирүүгө мүмкүнчүлүк жаралды. 20.08.2026, Sputnik Кыргызстан
2026-08-20T10:41+0600
2026-08-20T10:41+0600
2026-08-20T12:09+0600
кыргызстан
кытай
визасыз режим
транзит
https://sputnik.kg/img/104318/86/1043188619_0:122:800:572_1920x0_80_0_0_a417e9e3da8fdd5d27e0575db162654b.jpg
БИШКЕК, 20-авг. — Sputnik. Кытай 20-августтан тарта Кыргызстандын жарандарына 240 саатка (10 сутка) чейинки визасыз транзитке жана Хайнань аралына 30 күнгө чейин визасыз кирүүгө уруксат берди. Бул тууралуу Кытайдын Улуттук иммиграция башкармалыгы (NIA) билдирди. Маалымдалгандай, кыргызстандыктар Кытай аркылуу башка өлкөгө бара жатканын тастыктаган билети, так маршруту болсо 240 саатка чейин (10 сутка) визасыз жүрө алышат. Бул режим Кытайдагы 65 өткөрмө пункт аркылуу, анын ичинде Пекин жана Шанхайдагы пунктулар аркылуу кирүүгө мүмкүнчүлүк берет. Ошондой эле Хайнань провинциясынын ачык порттору аркылуу кирип, анын аймагында 30 күнгө чейин визасыз жүрүүгө жол ачылды. Визасыз режимдин алкагында туризмге, бизнеске, жеке сапарларга жана туугандарга баруу сыяктуу кыска мөөнөттүү иштерге уруксат берилет. Ал эми жумушка орношуу, окуу же журналисттик иш сыяктуу алдын ала уруксат талап кылган иштер үчүн Кытайга барардан мурда тиешелүү виза алуу зарыл. Деген менен Кыргызстанга коңшу Синьцзян-Уйгур автономдуу районуна бул эреже жайылтылбайт. Башкача айтканда, жеңилдик мамлекет бекиткен 65 пунктунун бири аркылуу киргенде гана иштейт. Тилекке каршы, Синьцзян аталган тизмеге кирген эмес. Андыктан Үрүмчүгө баруу үчүн баары бир виза керек болот.NIA маалымдагандай, Кыргызстандын жана Вьетнамдын жарандарына жаңы мүмкүнчүлүктөрдүн берилиши менен Кытайдагы 240 сааттык визасыз транзит режимин пайдалана алган өлкөлөрдүн саны 57ге, ал эми Хайнанга 30 күнгө визасыз кирүү укугу бар өлкөлөрдүн саны 61ге жетти. Кытай тарап бул кадамды коңшу өлкөлөр менен байланышты, туризмди, сооданы жана инвестицияларды өнүктүрүүгө багытталган чара катары баалады.
https://sputnik.kg/20260504/sejshel-araldaryna-baruuga-ehmi-viza-talap-kylynbajt-1101117029.html
кытай
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, кытай, визасыз режим, транзит
кыргызстан, кытай, визасыз режим, транзит
Кыргызстандыктар Кытайга 10 күнгө, Хайнанга 30 күнгө визасыз кире алышат
10:41 20.08.2026 (Жаңыртылды: 12:09 20.08.2026) Хайнанга 30 күнгө визасыз кирүүгө мүмкүнчүлүк жаралды.
БИШКЕК, 20-авг. — Sputnik. Кытай 20-августтан тарта Кыргызстандын жарандарына 240 саатка (10 сутка) чейинки визасыз транзитке жана Хайнань аралына 30 күнгө чейин визасыз кирүүгө уруксат берди. Бул тууралуу Кытайдын Улуттук иммиграция башкармалыгы (NIA) билдирди.
Маалымдалгандай, кыргызстандыктар Кытай аркылуу башка өлкөгө бара жатканын тастыктаган билети, так маршруту болсо 240 саатка чейин (10 сутка) визасыз жүрө алышат. Бул режим Кытайдагы 65 өткөрмө пункт аркылуу, анын ичинде Пекин жана Шанхайдагы пунктулар аркылуу кирүүгө мүмкүнчүлүк берет.
Ошондой эле Хайнань провинциясынын ачык порттору аркылуу кирип, анын аймагында 30 күнгө чейин визасыз жүрүүгө жол ачылды.
Визасыз режимдин алкагында туризмге, бизнеске, жеке сапарларга жана туугандарга баруу сыяктуу кыска мөөнөттүү иштерге уруксат берилет. Ал эми жумушка орношуу, окуу же журналисттик иш сыяктуу алдын ала уруксат талап кылган иштер үчүн Кытайга барардан мурда тиешелүү виза алуу зарыл.
Деген менен Кыргызстанга коңшу Синьцзян-Уйгур автономдуу районуна бул эреже жайылтылбайт. Башкача айтканда, жеңилдик мамлекет бекиткен 65 пунктунун бири аркылуу киргенде гана иштейт. Тилекке каршы, Синьцзян аталган тизмеге кирген эмес. Андыктан Үрүмчүгө баруу үчүн баары бир виза керек болот.
NIA маалымдагандай, Кыргызстандын жана Вьетнамдын жарандарына жаңы мүмкүнчүлүктөрдүн берилиши менен Кытайдагы 240 сааттык визасыз транзит режимин пайдалана алган өлкөлөрдүн саны 57ге, ал эми Хайнанга 30 күнгө визасыз кирүү укугу бар өлкөлөрдүн саны 61ге жетти.
Кытай тарап бул кадамды коңшу өлкөлөр менен байланышты, туризмди, сооданы жана инвестицияларды өнүктүрүүгө багытталган чара катары баалады.
