Кыргызстанда сөөк чучугун трансплантациялоого шарт түзүлдү
© Фото / Министерство здравоохранения КР
Жазылуу
БИШКЕК, 11-авг. — Sputnik. Эне жана баланы коргоо улуттук борборунун балдар онкологиясы бөлүмүнө кан клеткаларын чыпкалоочу жана дарылоочу эки заманбап аппарат тапшырылды. Бул тууралуу Саламаттык сактоо министрлиги кабарлады.
Маалыматка караганда, баасы 24 миллион сомдон ашкан бул медициналык техниканы кайрымдуулук фонддордун бири белек кылган. Жаңы жабдуулар рак жана кан оорулары менен жабыркаган балдарды дарылоого, ошондой эле Кыргызстанда жилик чучугун трансплантациялоо программасын толук кандуу баштоого шарт түзөт.
1/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
2/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
3/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
4/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
1/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
2/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
3/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
4/4
© Фото / Министерство здравоохранения КР
Кыргызстанда сөөк чучугун трансплантациялоого шарт түзүлүүдө
Иш-чарага катышкан саламаттык сактоо министри Дамир Осмонов негизги максат оор дартка кабылган балдарды чет өлкөгө жөнөтпөй, өз жеринде, үй-бүлөсүнүн жанында дарылоо экенин билдирди. Ал эми балдар онкологиясы бөлүмүнүн башчысы Султан Стамбеков Кыргызстан акыркы жылдары бул тармакта чоң кадам жасаганын белгиледи.
"Мурда биз трансплантация тууралуу кыялдана да алчу эмеспиз. Бүгүн бардык деталдарды топтоп бүттүк десек болот. Эми чучукту толук кандуу трансплантациялоонун босогосунда турабыз", — деди Стамбеков.
Министрлик берген фактылар:
өлкөдө жыл сайын 20-30 бала жана 90дой чоң киши жилик чучугун алмаштырууга муктаж болот;
чет мамлекеттерде мындай бир операциянын баасы 100 миң долларга чейин жетет;
азыркы тапта борбордо трансплантация жасалуучу атайын стерилдүү блоктун оңдоо иштери аяктап баратат. Мамлекеттик бюджеттен 17 миллион сом бөлүнгөн бул блок жакынкы 2-3 жумада ишке берилет
Жаңы келген аппараттын жардамы менен 9 жаштагы Салахидиндин сөңгөк клеткалары ийгиликтүү бөлүп алынды. Жакын арада чучугу алмаштырылат.
